49 جاستاعى ەر ادام قالانىڭ ءارتۇرلى اۋدانىندا جاسالعان ۇرلىقتىڭ جەتى دەرەگىنە قاتىسى بار دەگەن كۇدىككە ءىلىندى.
Polisia.kzء-تىڭ مالىمەتىنشە، الماتى پوليسەيلەرى ۇرلىقپەن اينالىسىپ جۇرگەن ازاماتتى قۇرىقتادى، – دەپ حابارلايدى Almaty-akshamy.kz
«قاسكوي نەگىزىنەن بوستاندىق جانە مەدەۋ اۋداندارىندا ارەكەت ەتكەن. تۇرعىن ءۇي كەشەنىنىڭ اۆتوتۇراقتارىنا، ۇيلەردىڭ كىرەبەرىستەرىنە كىرگەن. ول كىرە بەرىستەردەن ۆەلوسيپەدتەردى، تۇراقتاردان – ساتۋعا بولاتىن بارلىق نارسەلەردى – قۇرالدار مەن باسقا دا قۇرىلعىلاردى قولدى ەتىپ جۇرگەن. جەدەل-ىزدەستىرۋ ءىس-شارالارىن جۇرگىزۋ بارىسىندا بولىمشەنىڭ قىزمەتكەرلەرى قاراعاندى قالاسىنىڭ تۋماسى، تۇراقتى تۇرعىلىقتى جەرى جانە جۇمىس ورنى جوق 49 جاستاعى ا.ەسىمدى ازاماتتى ۇستادى. ول ۇرلانعان زاتتاردى ساتىپ، كۇن كورىپ جۇرگەن. تەرگەۋدىڭ وسى كەزەڭىندە كۇدىكتىنىڭ جەتى ەپيزودقا قاتىسى بار ەكەنى انىقتالدى. كۇدىكتى ۇرلىققا قاتىسى بار ەكەنىن جوققا شىعارمايدى»، – دەدى بوستاندىق اۋداندىق پب-عا قاراستى پوليسيا ءبولىمى باستىعىنىڭ ورىنباسارى كامال كەلەسپايەۆ.
اتالعان دەرەك ق ر قك-نىڭ 188-بابى 3-بولىگى (ۇرلىق) بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. كۇدىكتىنىڭ جەكە باسى قالانىڭ باسقا اۋداندارىندا دا وسىعان ۇقساس قىلمىستارعا قاتىسى بار-جوعىنا تەكسەرىلەتىن بولادى. ق ر قپك-نىڭ 201-بابىنا سايكەس، وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.