دارىگەرلەر الماتىلىقتاردى قاتەرلى ىسىك اۋرۋىن ەرتە كەزەڭدە انىقتاۋ ءۇشىن تۇراقتى تۇردە سكرينينگتىك تەكسەرۋدەن وتۋگە شاقىرادى، دەپ حابارلايدى almaty-akshamy.kz
ماماندار دەر كەزىندە تەكسەرىلۋ ءساتتى ەمدەل جانە تولىق جازىلۋ مۇمكىندىگىن ارتتىرۋدا شەشۋشى ءرول اتقاراتىنىن باسا ايتادى. بۇل تۋرالى وكق بريفينگىندە الماتى ونكولوگيالىق ورتالىعىنىڭ دارىگەرلەرى ايتتى.
وكق بريفينگىندە سويلەگەن سوزىندە ورتالىقتىڭ ونكوگينەكولوگيا ءبولىمىنىڭ مەڭگەرۋشىسى رايحان بولاتبەكوۆا جەرگىلىكتى ەمحانالاردا سكرينينگتىك باعدارلامالار تەگىن جۇرگىزىلەتىنىن اتاپ ءوتتى.
دارىگەر تۇرعىنداردى سكرينينگتىك تەكسەرۋدەن وتۋگە، سونىمەن قاتار قاتەرلى ىسىك قانا ەمەس، باسقا دا اۋرۋلاردى تۋدىراتىن ءقاۋىپ فاكتورلارىن ازايتۋ ءۇشىن بىرنەشە ەرەجەنى ساقتاۋعا شاقىردى.
«ەۋروپالىق ءىرى زەرتتەۋلەرگە سايكەس، قاتەرلى ىسىك اۋرۋىنىڭ دامۋ ءقاۋپى فاكتورلارىن ازايتۋ ارقىلى عانا ونكولوگيالىق اۋرۋلاردى ازايتا الامىز. بۇل، ەڭ الدىمەن، دۇرىس تاماقتانۋ، سالاۋاتتى ءومىر سالتىن ۇستانۋ، سپورتپەن اينالىسۋ جانە ت.ب. حالقىمىزدىڭ دەنساۋلىعىنىڭ ماڭىزدى جانە اجىراماس بولىگى - دۇرىس تاماقتانۋ. سوندىقتان دەنساۋلىقتى كۇتۋ ماڭىزدى»، - دەيدى مامان.
ونكولوگ تەمەكى شەگۋدىڭ دە قاتەرلى ىسىكتىڭ دامۋىنىڭ جەكە جانە ەڭ ماڭىزدى ءقاۋىپ فاكتورى ەكەنىن اتاپ وتەدى. تەمەكى شەگۋ تەك وكپە ىسىگىن عانا ەمەس، باسقا دا قاتەرلى ىسىكتىڭ دامۋىن تۋدىرۋى مۇمكىن.
مامان سكرينينگتەن ەمحانادا بەلگىلى ءبىر جاس كەزەڭىندە ءوتۋ كەرەك ەكەنىن ەسكە سالادى. اتاپ ايتقاندا:
- 30-70 جاستاعى ايەلدەر جاتىر موينى وبىرىن ەرتە انىقتاۋ ءۇشىن 4 جىلدا ءبىر رەت؛
- 40-70 جاستاعى ايەلدەر ءسۇت بەزى وبىرىن ەرتە انىقتاۋ ءۇشىن 2 جىلدا ءبىر رەت؛
- 50-70 جاستا جاسىرىن قان ءاناليزى، كولونوسكوپيا كومەگىمەن توق ىشەكتىڭ جانە تىك ىشەكتىڭ قاتەرلى ىسىگىن جانە الدىن الا ىسىكتەرىن ەرتە انىقتاۋ ءۇشىن 2 جىلدا 1 رەت.