اقپاننىڭ 3-ىندە قاتەرلى ىسىككە قارسى كۇن اياسىندا الماتى ونكولوگيالىق ورتالىعى مەن قالانىڭ 9 ەمحاناسىنىڭ ونكولوگتارى اشىق ەسىك كۇنىن وتكىزدى، دەپ حابارلايدى almaty-akshamy.kz
500-گە جۋىق قالا تۇرعىنى ونكولوگ كەڭەسىن الدى.
ناۋقان اياسىندا قاتەرلى ىسىككە كۇدىكتى 52 جاعداي انىقتالدى.
«ناۋقاستار قوسىمشا تەكسەرۋگە جىبەرىلدى. سونداي-اق، 400-دەن استام اۋرۋ قابىنۋى انىقتالىپ، ەمدەۋ بويىنشا ۇسىنىس بەرىلدى»، - دەدى بۇل تۋرالى وكق-دە وتكەن بريفينگتە الماتى ونكولوگيالىق ورتالىعى ديرەكتورىنىڭ ورىنباسارى جاننا كۋجايەۆا.
جالپى، 2023 جىلدىڭ قورىتىندىسى بويىنشا الماتى قالاسىندا 31 866 ونكولوگيالىق ناۋقاس تىركەلگەن.
قاتەرلى ىسىكتىڭ سىرقاتتانۋشىلىق قۇرىلىمى وتكەن جىلمەن سالىستىرعاندا وزگەرىسسىز قالدى:
- ءبىرىنشى ورىندا – ءسۇت بەزى وبىرى 14،5% (794 جاعداي)؛
- ەكىنشى ورىندا – توق ىشەك وبىرى 8،9% (489 جاعداي)،
- ءۇشىنشى ورىندا – وكپە وبىرى 6،0% (332 جاعداي)،
- ءتورتىنشى ورىندا - قۋىق استى بەزىنىڭ قاتەرلى ىسىگى 5،2% (288 جاعداي).