الماتىلىق تراۆماتولوگتار ناۋقاستىڭ اياعىن 10 سانتيمەترگە ۇزارتتى، - دەپ حابارلايدى اlmaty-akshamy.kz.
ناۋقاس ورتالىق قالالىق كلينيكالىق اۋرۋحاناعا تۇسكەن. ونىڭ شاعىمى - جامباس سۇيەگى تۇسىنىڭ اۋىرسىنۋى، ءجۇرىپ-تۇرۋىنىڭ قيىنداۋى جانە ءبىر اياعىنىڭ 10 سانتيمەترگە قىسقا بولۋى. ول كەيىنگى 3 جىلدا وزدىگىنەن جۇرە الماي قالعان.
"ءبىز قاجەت كولەمدەگى ەندوپروتەز الدىق جانە جامباس بۋىنىنىڭ قالىپتى اناتومياسىن قالپىنا كەلتىرۋ ءۇشىن ونى يمپلانتاسيالادىق. وتا بارىسىندا جامباس بۋىنى زاقىمدانعانىن بايقادىق جانە اياعىن 10 سانتيمەترگە دەيىن ۇزارتتىق. وتا ءساتتى اياقتالدى. وتادان كەيىن ناۋقاس فيزيوتەراپيا، ەمدىك جاتتىعۋ جانە وڭالتۋ كۋرستارىنان ءوتتى"، - دەيدى داۋلەت چۋكمانوۆ.
كۇردەلى وتا ناۋقاستىڭ ەكى اياعىن تەڭەستىرۋگە كومەكتەستى. ماماننىڭ سوزىنە سۇيەنسەك، اياق سۇيەكتەرىن ۇزارتۋ مەن جامباس بۋىندارىن ەندوپروتەزدەۋ وسىنداي كۇردەلى دياگنوز قويىلعان ناۋقاستار ءۇشىن ەڭ ءتيىمدى ەمدەۋ ءادىسى سانالادى.