ىلە-الاتاۋ ۇلتتىق ساياباعىنىڭ 10 تاۋ باعىتتارىندا تۋريستەردىڭ قاۋىپسىزدىگىن جانە حاباردار بولۋىن قامتاماسىز ەتۋگە، سونداي-اق تاۋلاردا تابيعاتتى ساقتاۋعا ارنالعان ءۇش تىلدە: قازاق، ورىس جانە اعىلشىن تىلدەرىندە جاڭا اقپاراتتىق تاقتايشالار پايدا بولدى، دەپ حابارلايدى almaty-akshamy.kz
Almaty Tourism Bureau باسشىسى كاميلا لۇقپانوۆا «ءبىز تاۋ ينفراقۇرىلىمىن دامىتۋعا ەرەكشە نازار اۋدارا وتىرىپ، تۋريستىك تاجىريبەنى جاقسارتۋ بويىنشا جۇمىس ىستەپ جاتىرمىز. ورناتىلعان تاقتايشالار تۋريستەردى ءبىر مەزگىلدە حاباردار ەتەدى جانە ەكولوگيالىق جاۋاپكەرشىلىككە شاقىرادى. «تابيعاتتى قورعاڭىز جانە ۇيگە جاعىمدى اسەرلەرمەن ورالىڭىز!» «Make earth green to keep it clean!»، «وزىڭىزدەن كەيىن، تازالىقتى ساقتاعانىڭىز ءۇشىن راحمەت!»، «Our climate is changing؛ why aren’t we؟» – تاۋ اۋەسقويلارى ءۇشىن تابيعي بايلىققا ۇقىپتى قاراۋ تۋرالى ەسكە سالىپ تۇرادى»، – دەپ اتاپ كورسەتتى.
اقپاراتتىق تاقتايشالار - شاعىلىستىرعىش جابىنمەن قاپتالعان مەتالل تاقتايشالاردان تۇرادى. ولار ۆانداليزمگە ءتوزىمدى سەنىمدى قوندىرعىلارمەن جابدىقتالعان جانە باعىتتارعا ورناتىلعان:
- بۋتاكوۆكا شاتقالى
- كىماسار شاتقالى
- «گورەلنيك» كەمپينگ ايماعى
- كىشى الماتى شاتقالى (مەدەۋ)
- كىشى الماتى شاتقالى (اقبۇلاق)
- «قايىڭ توعايى» كەمپينگ ايماعى
- ۇلكەن الماتى شاتقالى (گەس-2)
- پروحودنوە شاتقالى
- كازاچكا شاتقالى
- «كازاچكا» كەمپينگ - ايماعى
سونداي-اق، بۇل ورىنداردا باعىتتىڭ ۇزاقتىعى جانە ءوتۋ ۋاقىتى تۋرالى كورسەتكىشتەر ورناتىلعان. Almaty Tourism Bureau تاۋلى جورىقتار كەزىندە قاۋىپسىزدىك ەرەجەلەرىن ساقتاۋدى ەسكە سالادى، سونداي-اق دەمالۋشىلاردان تابيعاتقا ۇقىپتى قاراۋدى، تاۋدا قوقىس قالدىرماۋدى سۇرايدى، ويتكەنى تازالىقتىڭ ساقتالۋى تۋريستەردىڭ وزدەرىنە بايلانىستى.