الماتىدا پوليسيا قىزمەتكەرلەرى “سالاۋاتتى ۇرپاق” ناۋقانى اياسىندا ءدارىس وتكىزدى

كەزدەسۋدە جاسوسپىرىمدەرگە كوشەدە، ۇيدە، جولدا ءقاۋىپسىز ءجۇرۋ ەرەجەلەرى ءتۇسىندىرىلدى

الماتىنىڭ يۋۆەنالدى پوليسياسى قالالىق پروكۋراتۋرامەن جانە قوعامدىق دەنساۋلىق ساقتاۋ باسقارماسىنىڭ وكىلدەرىمەن بىرلەسىپ، №95 ورتا مەكتەپ وقۋشىلارىمەن كەزدەسۋ وتكىزدى، دەپ حابارلايدى Almaty-akshamy.kz.

– كۇن تارتىبىندە كامەلەتكە تولماعاندار اراسىنداعى قۇقىق بۇزۋشىلىقتىڭ، قىلمىستىڭ الدىن الۋ جانە جولىن كەسۋ ماسەلەلەرى قارالدى. بۇل – ەڭ الدىمەن، تەرەڭ ويلاستىرىلعان جانە ءوزارا بايلانىستى ءىس-شارالاردى جۇزەگە اسىرۋ، مەملەكەتتىك جانە قوعامدىق شارالاردىڭ ءوزارا ارەكەتتەسۋ، ماڭىزدى كومەكشى ءرول اتقاراتىن جاسوسپىرىمدەرمەن تاربيەلىك جانە مادەني جۇمىس، – دەدى الماتى قالاسى پد جپقب يۋۆەنالدى پوليسيا ءبولىمىنىڭ باستىعى جاننا شونجانوۆا. 

كەزدەسۋدە جاسوسپىرىمدەرگە كوشەدە، ۇيدە، جولدا ءقاۋىپسىز ءجۇرۋ ەرەجەلەرى ءتۇسىندىرىلدى. الەۋمەتتىك جەلىلەردە، اسىرەسە بەيتانىس ادامدارمەن قارىم-قاتىناس جاساۋ ەرەجەلەرى ايتىلدى. پوليسەيلەردىڭ پىكىرىنشە، قۇقىق بۇزۋشىلىقتاردىڭ سانىن ازايتۋ، سونداي-اق، قىلمىس جاساۋدىڭ سەبەپتەرى مەن جاعدايلارىن جويۋ بارلىق مۇددەلى مەملەكەتتىك ورگاندار مەن قوعامنىڭ بىرلەسكەن كۇشىمەن عانا شەشىلەدى.