الماتىدا وقۋشى ورىندارىنىڭ تاپشىلىعىن جويۋ جانە ءبىلىم بەرۋ ينفراقۇرىلىمىن جاقسارتۋ بەلسەندى تۇردە شەشىلۋدە – ەربولات دوسايەۆ
الماتى اكىمى ەربولات دوسايەۆ ورتالىق كوممۋنيكاسيالار قىزمەتىندە وتكەن كوشپەلى بريفينگتە قالانىڭ ءبىلىم بەرۋ ينفراقۇرىلىمىن دامىتۋ ماسەلەلەرىن باياندادى، - دەپ حابارلايدى aqshamnews.kz
بيىل الماتىدا 18 ءبىلىم بەرۋ نىسانى سالىنىپ، 11،7 مىڭ وقۋشى ورنى قامتاماسىز ەتىلدى. وسى شارالاردىڭ ارقاسىندا كەلەسى وقۋ جىلىنا قاراي ورىن تاپشىلىعى «باسقارىلاتىن» دەڭگەيگە – 3-4 مىڭ ورىنعا دەيىن قىسقارادى.
ءبىلىم بەرۋدى دامىتۋدىڭ ماڭىزدى بولىگى «الماتى مەكتەپتەرى» ستاندارتىن ەنگىزۋ. بۇل جوبا اياسىندا مەملەكەتتىك مەكتەپ وقۋشىلارىن تاسىمالداۋ ۇيىمداستىرىلدى. 2024 جىلى مەكتەپ اۆتوبۋستارىنىڭ سانى 200-گە جەتكىزىلدى، بۇل 15،3 مىڭ وقۋشىنى قامتۋعا مۇمكىندىك بەردى. 2025 جىلى اۆتوبۋس سانى تاعى 100-گە كوبەيتىلەدى، بۇل وقۋشىلارعا مەكتەپكە ءقاۋىپسىز ءارى ىڭعايلى تۇردە بارۋعا جاعداي جاسايدى.
قالا اكىمى ەربولات دوسايەۆ ءبىلىم بەرۋ ينفراقۇرىلىمىن دامىتۋ ساپالى جانە قولجەتىمدى ءبىلىم الۋ شارتتارىن قامتاماسىز ەتۋگە باعىتتالعانىن اتاپ ءوتتى.
جالپى، الماتىدا وقۋشى ورىندارىنىڭ تاپشىلىعىن ازايتۋ بويىنشا جۇيەلى جۇمىستار جۇرگىزىلۋدە. بۇل جاڭا مەكتەپتەر سالۋ، جەرگىلىكتى بيۋدجەت ەسەبىنەن قوسىمشا عيماراتتار سالۋ ارقىلى جۇزەگە اسۋدا.