الماتى اكىمى ەربولات دوسايەۆ وكق-دا وتكەن كوشپەلى بريفينگتە قالادا مەديسينالىق قىزمەتتەردىڭ ساپاسىن ارتتىرۋ بويىنشا قابىلدانىپ جاتقان شارالار تۋرالى ايتتى، - دەپ حابارلايدى aqshamnews.kz
ماسەلەن، وسى جىلدىڭ ماۋسىم ايىندا قازاقستاندا العاش رەت «فەتالدى حيرۋرگيا» پيلوتتىق جوباسى ەنگىزىلدى. ەندى الماتىدا جىلىنا 150-گە دەيىن جاتىرىشىلىك وپەراسيا جاساۋعا بولادى. 2024 جىلى 3 753 پاسيەنت 9،2 ملرد تەڭگە سوماسىنا 45 نوزولوگيا بويىنشا ورفاندىق پرەپاراتتارمەن قامتاماسىز ەتىلدى. ايتا كەتەرلىگى، بۇل باعىتتاعى قارجىلاندىرۋ وتكەن جىلمەن سالىستىرعاندا 10% - عا ءوستى.
سوڭعى ەكى جىلدا جەدەل مەديسينالىق جاردەم اۆتوپاركى 37% - عا جاڭارتىلدى. 2023 جىلى 55 ماشينا، 2024 جىلى 48 ماشينا ساتىپ الىندى.
قالا باسشىسى دەنساۋلىق ساقتاۋ سالاسىنداعى تاڭدالعان كۋرستىڭ دۇرىستىعىن ا.ج. 11 ايىنىڭ قورىتىندىلارى ناقتى راستايتىنىن اتاپ ءوتتى، ول بويىنشا انا ءولىمى 48،2% – عا، نارەستە ءولىمى – 5،4% - عا، قاتەرلى ىسىكتەردەن بولاتىن ءولىم-16% - عا تومەندەدى.