الماتىدا «QAMQOR CHARITY» قق ەرىكتىلەرى مەرەكە قارساڭىندا «التىن جۇرەك» قارتتار ۇيىنە ارنايى بارىپ، قاريالارعا مەرەكەلىك كوڭىل-كۇي سىيلادى، دەپ حابارلايدى almaty-akshamy.kz.
ءىس-شارا قارتتاردى جاڭا جىل مەرەكەسىمەن قۇتتىقتاپ، قىزىقتى ۋاقىت وتكىزىپ، قاريالاردىڭ كوڭىلدەرىنە قۋانىش سىيلاۋ ماقساتىندا ۇيىمداستىرىلدى.
- «قارتى بار ءۇيدىڭ – قازىناسى بار» دەپ قازاق حالقى قاريالاردى ەرەكشە قۇرمەتتەپ سىيلاعان. جاڭا جىل مەرەكەسى قارساڭىندا جالعىز باستى زەينەتكەرلەردىڭ كوڭىل كۇيلەرىن كوتەرىپ، قۋانىش سىيلاعىمىز كەلدى. وسىنداي شارالاردى ءبىز جىل سايىن ءداستۇرلى تۇردە وتكىزىپ تۇرامىز. مەرەكە قارساڭىندا ءبىز اتا-اجەلەرىمىزگە، بالالار ءۇيىنىڭ تاربيەلەنۋشىلەرىنە جانە ەرەكشە مۇقتاج جاندارعا ۇنەمى كوڭىل بولۋگە تىرىسامىز، دەدى سوزىندە الماتى قالاسى ۆولونتەرلەر فرونت-وفيسىنىڭ جەتەكشىسى باعدات اناربايەۆا.
ءىس-شارادا ۆولونتەرلەر كونسەرتتىك باعدارلامادان بولەك، قارتتارىمىزعا سىيلىقتار تابىستاپ، مەرەكەلىك داستارحان جايىپ، جىلى لەبىزدەرى مەن تىلەكتەرىن ارنادى. قاريالارىمىز قۋانىشىن جاسىرا الماي، ۆولونتەرلەرگە العىستارىن ءبىلدىرىپ جاتتى.
