قازاق مەملەكەتتىك سيركىنىڭ ەكۆيليبريسى تايسيا دەميدوۆا مونتە-كارلوداعى 46-شى حالىقارالىق سيرك فەستيۆالى اياسىندا وتكەن «جاڭا ۇرپاق» 11 فەستيۆالىندە «قولا يۋنيور» سىيلىعىنىڭ يەگەرى اتاندى. بۇل بايقاۋ الەمدەگى ەڭ بەدەلدىلەردىڭ ءبىرى بولىپ سانالادى جانە سيرك «وسكارى» دەپ اتالادى.
تايسيا دەميدوۆا موناكودا «حۋلا- حۋاپامەن ەكۆيليبر» ءنومىرىن كورسەتتى. قولا مەدالدان وزگە تايسيا «يتاليا سيركى دوستارىنىڭ جۇلدەسى» جانە «ۇلتتىق ءبىلىم جانە سپورت باسقارماسىنىڭ ارنايى سىيلىعى» اتتى ەكى ارنايى ماراپاتتى دا جەڭىپ الدى.
«بۇل - سيرك ونەرىندەگى ەڭ بەدەلدى ماراپاتتاردىڭ ءبىرى. ءبىز تايسيامىزعا وتە قۋانىشتىمىز جانە ونىڭ مانسابىندا ۇلكەن بيىكتەرگە جەتەتىنىنە سەنىمدىمىز. الماتى اكىمدىگى ارتىستەرىمىزدىڭ شىعارماشىلىق الەۋەتىن دامىتۋعا كوپ كوڭىل بولەدى»، - دەدى الماتى قالاسى مادەنيەت باسقارماسىنىڭ باسشىسى عاني مايلىبايەۆ.
ايتا كەتەرلىگى، 2023 جىلى الماتى سيركىنىڭ ارتىستەرى العاش رەت بەيجىڭ حالىقارالىق اكروباتيكا مەكتەبىندە جانە رەسەي تەاتر ونەرى ينستيتۋتى — گيتيستە بىلىكتىلىگىن ارتتىرۋدان ءوتتى. سونداي-اق، سوڭعى 35 جىلدا العاش رەت سيرك شەتەلگە گاسترولدى قايتا باستادى جانە دۋشانبە مەن تبيليسيدە ونەر كورسەتتى. بۇدان باسقا، سيرك عيماراتىنا كۇردەلى جوندەۋ جۇرگىزۋ جوسپارلانۋدا.
