الماتى قالاسى ادىلەت دەپارتامەنتىنىڭ باسشىسى بالايىم كەسەبايەۆا وڭىرلىك كوممۋنيكاسيالار قىزمەتىنىڭ بريفينگىندە قازاقستان رەسپۋبليكاسىنىڭ كونستيتۋسياسىندا جانە زاڭنامالىق اكتىلەرىندە بەلگىلەنگەن نورمالارعا سايكەس ازاماتتىق، اكىمشىلىك جانە قىلمىستىق پروسەستەر بارىسىندا ءاربىر ادامنىڭ بىلىكتى زاڭ كومەگىن الۋ قۇقىعى كوزدەلگەنىن ايتتى، دەپ حابارلايدى Almaty-akshamy.kz.
دەپارتامەنت باسشىسىنىڭ مالىمەتىنشە، 2023 جىلى الماتى قالالىق القاسىنىڭ ادۆوكاتتارى 15 544 ازاماتقا مەملەكەت كەپىلدىك بەرگەن زاڭ كومەگىن كورسەتتى.
«ادۆوكاتتار مەن زاڭ كەڭەسشىلەرىنىڭ قىزمەتى جەكە جانە زاڭدى تۇلعالاردىڭ قۇقىقتارىن، بوستاندىقتارى مەن زاڭدى مۇددەلەرىن قورعاۋ جانە ىسكە اسىرۋعا جاردەمدەسۋ ماقساتىندا كاسىبي زاڭ كومەگىن كورسەتۋگە نەگىزدەلەدى»، - دەدى ب.كەسەبايەۆا.
وكق سپيكەرى سونداي-اق «ادىلەت ورگاندارى تۋرالى» جانە «ادۆوكاتتىق قىزمەت جانە زاڭ كومەگى تۋرالى» زاڭعا سايكەس ادىلەت ورگاندارى مەملەكەت كەپىلدىك بەرگەن زاڭ كومەگى شەڭبەرىندە ادۆوكاتتار مەن زاڭ كونسۋلتانتتارى كورسەتەتىن زاڭ كومەگىن ۇيىمداستىرۋدى، سونداي-اق ونىڭ ساپاسىن باقىلاۋدى قامتاماسىز ەتەتىنىن ءتۇسىندىردى.
الماتى قالاسىندا ادۆوكاتتار القاسى جانە 15 زاڭ كەڭەسشىلەرى پالاتاسى جۇمىس ىستەيدى، 981 ادۆوكات، 5 332 زاڭ كەڭەسشىسى قىزمەتىن جۇزەگە اسىرادى.