پاۆلوداردا اكروباتيكادان حII ازيا چەمپيوناتى ءوتتى.
بۇل جارىستا الماتى اكروباتيكا مەكتەبىنىڭ وكىلدەرى جوعارى دەڭگەيدەگى ەكى مەدالدى جەڭىپ الدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
وعان 5 ەلدەن 150-گە جۋىق سپورتشى قاتىستى. الماتىلىقتار قۇرلىق بىرىنشىلىگىندە ناعىز سەنساسيا جاسادى. الماتىلىق اكروباتتار كەيىنگى 5 جىلدا العاش رەت ارالاس جۇپتىق جاتتىعۋلاردا بىردەن 2 التىن جەڭىپ الدى.
«ءبىزدىڭ تاربيەلەنۋشىلەرىمىزدىڭ وسىنداي ۇلكەن جانە جاۋاپتى باستاماداعى جەتىستىگى - ەڭ اۋەلى، سديۋشور №9 ماماندارىنىڭ، اتاپ ايتقاندا، جاتتىقتىرۋشىلار مەن حورەوگرافتاردىڭ ەڭبەگى. كوز الدىمىزدا جىگىتتەر كۇن سايىن ەكى رەت دايىندالىپ، ءساتتى ونەر كورسەتۋگە ىنتالاندى»، - دەدى سديۋشور №9 سپورت مەكتەبىنىڭ ديرەكتورى ايسۇلۋ سەرىك قىزى.
ازامات ساۋساقبايەۆ، مەدينا ءمادي قىزى، رۋسلان كوسيۋبا، ماكسيم ساندۋلوۆ، يليا ماسلوۆ جانە باتىرحان باقىتجان ۇلى جوعارى دايىندىقتى كورسەتىپ، بيىلعى ازيا چەمپيوناتىنىڭ جەڭىمپازىى اتاندى.