2023 جىلى الماتى قالاسىنىڭ ادىلەت دەپارتامەنتىمەن 43-كە جۋىق تەكسەرۋ جۇرگىزىلىپ، ونىڭ بارىسىندا جوسىقسىز كاسىپكەرلەردەن جالپى قۇنى 16 747 512 تەڭگەنى قۇرايتىن 16 774 بىرلىك كونترافاكتىلىك ءونىم تاركىلەندى. الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگتە دەپارتامەنت وكىلدەرىنىڭ مالىمدەۋىنشە، وتانداستار تۇرمىستا پايدالاناتىن ەسەپتەگىشتەر، ترانسفورماتورلار، ۇيالى تەلەفوندار، بالالار ويىنشىقتارى، ساعىز جانە كونفەت ونىمدەرى سياقتى تاۋارلار تاركىلەندى.
دەپارتامەنت باسشىسى بالايم كەسەبايەۆا ايتىپ وتكەندەي، تەكسەرۋلەر قۇقىق يەلەنۋشىنىڭ جانە قۇقىق يەلەنۋشىلەردىڭ سەنىمحاتى بويىنشا وكىلدەردىڭ وتىنىشتەرى نەگىزىندە جۇزەگە اسىرىلادى.
«تەكسەرۋلەر نەگىزىنەن ساۋدا ورتالىقتارىندا، بازارلاردا، بيزنەس ورتالىقتاردا، بەلگىلى برەندتەردەن تاۋار بەلگىلەرىن زاڭسىز پايدالانا وتىرىپ، كونترافاكتىلىك تاۋارلاردى اكەلەتىن جانە ساتاتىن قويمالاردا جۇرگىزىلەدى، ولاردىڭ ءوندىرىسى ءوز كەزەگىندە بەلگىسىز جانە ساپاسى كۇماندى»، - دەدى وكق سپيكەرى.
سونىمەن قاتار، دەپارتامەنت 1،6 ميلليون تەڭگەگە Apple جانە iPhone تاۋار بەلگىسىنىڭ زاڭسىز بەينەسى بار 4 000-نان استام كونترافاكتىلىك ءونىمدى تاركىلەدى. سوت قاۋلىسىنا سايكەس كىنالى ادامعا ايىپپۇل سالىنادى، تاركىلەنگەن تاۋار جويىلادى.