ق ر پرەمەر-مينيسترى ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا تۋريستىك سالانى دامىتۋ جانە سيفرلاندىرۋ جونىندەگى شارالار قارالدى.
مەملەكەت باسشىسىنىڭ الماتى قالاسىن دامىتۋ جانە مەگاپوليس ەكونوميكاسىن ءارتاراپتاندىرۋ ماقساتىندا تۋريستىك الەۋەتتى ءتيىمدى پايدالانۋ جونىندەگى تاپسىرمالارىن ورىنداۋعا ەرەكشە نازار اۋدارىلدى، دەپ حابارلايدى aqshamnews.kz.
قالا اكىمى ەربولات دوسايەۆتىڭ ايتۋىنشا، وتكەن جىلى الماتىنىڭ تۋريستىك سالاسى قارقىندى ءوسىم كورسەتتى. 2024 جىلى تۋريستەردىڭ جالپى سانى 14،8%-عا ءوسىپ، 2،3 ملن ءتۋريستتى قۇرادى.
«شەتەلدىك تۋريستەر سانى 27%-عا ارتىپ، 680 مىڭنان استام ادامعا جەتتى. ىشكى تۋريستەر سانى 10،4%-عا ارتىپ، 1،6 ملن ادامنان استى. ناتيجەسىندە كورسەتىلگەن تۋريستىك قىزمەتتەر كولەمى 30%-عا ءوسىپ، 96،3 ملرد تەڭگەنى قۇرادى. الماتىعا ءۇندىستان، جۇڭگو، اقش، تۇركيا، وڭتۇستىك كورەيادان تۋريستەر كەلەدى»، — دەدى ەربولات دوسايەۆ.