ۇكىمەت وتىرىسىندا الماتى قالاسىنىڭ اكىمى ەربولات دوسايەۆ تۋريزم باعىتىن دامىتۋدا اكىمدىك جۇمىسىنىڭ باسىم باعىتى تۋريستىك اعىندى سيفرلىق باسقارۋ بولىپ سانالاتىنىن حابارلادى.
بۇل تۇرعىدا MasterCard Advisors كومپانياسىنىڭ Tourism & Insights پلاتفورماسىن پايدالانا وتىرىپ، MasterCard حالىقارالىق كومپانياسىمەن سەرىكتەستىكتى ەنگىزۋ ماڭىزدى كەزەڭ بولدى. پلاتفورما تۋريستەردى تارتۋدىڭ ءتيىمدى شارالارىن ازىرلەۋ ءۇشىن ماقساتتى توپتاردىڭ تەندەنسيالارى مەن قاجەتتىلىكتەرىن باقىلاۋعا مۇمكىندىك بەرەدى.
💠 ەربولات دوسايەۆتىڭ ايتۋىنشا، ىسكەر تۋريستەردىڭ ورتاشا تاۋلىكتىك شىعىندارى شامامەن 880 دوللاردى قۇرايدى، بۇل قاراپايىم ساياحاتشىلاردىڭ شىعىندارىنان 2،8 ەسە كوپ. بۇل رەتتە ىسكەر تۋريستەردىڭ قالادا بولۋ ۇزاقتىعى 2 كۇنمەن شەكتەلەدى، ال دەمالۋ ماقساتىندا ساياحاتتايتىن تۋريستەر قالادا ورتا ەسەپپەن 5 كۇن بولادى. وسىعان قاراماستان، ىسكەر تۋريستەردىڭ جالپى شىعىن كولەمى 54%-دى قۇرايدى، ولاردىڭ جالپى تۋريستەر اراسىنداعى ۇلەسى – 46%.
«بۇل باعىت تولەم قابىلەتى جوعارى جانە قالانىڭ ەكونوميكاسىنا ەلەۋلى ۇلەس قوساتىن تۋريستەردى تارتۋعا مۇمكىندىك بەرەتىن MICEء-تۋريزمنىڭ ماڭىزدىلىعىن ايقىندايدى. وسىعان بايلانىستى، الماتى قالاسىنىڭ ماركەتينگ كامپانياسى بيزنەس تۋريستەردى بەلسەندى تۇردە تارتۋعا باعىتتالعان»،
— دەپ اتاپ ءوتتى الماتى قالاسىنىڭ اكىمى.
🔘 سونىمەن قاتار ول ءقوناقۇي قىزمەتىنە قاناعاتتانۋ يندەكسى 5%-عا ءوسىپ، 49،3%-عا جەتكەنىن ايتتى. ونىڭ ۇستىنە كورسەتكىشتى جاقسارتۋعا مۇمكىندىك بار.
📱 سونداي-اق، تۋريستەردىڭ قايتادان ورالۋ كورسەتكىشى ۇلەسىنىڭ ءوسۋى – 78%-عا ارتىپ، 25%-عا دەيىن جەتكەنىن جانە GTPI (Global Tourism Performance Index) يندەكسىنىڭ 4%-عا ءوسىپ، 67،5%-دى قۇرادى. دەيىن ءوسۋى وڭ ديناميكا بولدى. بۇل ساندار الماتىداعى تۋريستىك تاجىريبەنىڭ جوعارى دەڭگەيىن جانە قوناقتاردىڭ قالاعا قايتا ورالۋعا دايىن ەكەندىگىن كورسەتەدى.