تاليبتەر الماتىدا كورمە وتكىزۋدى جوسپارلاپ وتىر
ول قازان ايىنىڭ سوڭىندا وتەدى دەپ حابارلايدى اۋعانستاننىڭ Tolonews باسىلىمى. رەسۋرس مالىمەتىنە سايكەس، اۋعان كورمەسى شامامەن 20 كۇننەن كەيىن ۇيىمداستىرىلادى.
بۇل تۋرالى اۋعانستاننىڭ يندۋستريا جانە ساۋدا ءمينيسترىنىڭ مىندەتىن اتقارۋشى نۋرۋددين ازيزي مالىمدەدى.
ءازيزيدىڭ ايتۋىنشا، قازاقستاننىڭ ءىرى قالاسىنا كورمەگە شامامەن 300 دەلەگات كەلەدى. ولاردىڭ قاتارىندا اۋعانستان بيلىگىنىڭ وكىلدەرى مەن كاسىپكەرلەر بولادى.
«ەگەر كومپانيا نەمەسە ەل ءوز ءونىمىن الەمدىك نارىقتاردا تانىستىرعىسى كەلسە، كورمەلەرگە قاتىسۋى قاجەت. بۇل كورمە قازاقستاندا وتە ماڭىزدى»، – دەپ اتاپ ءوتتى اۋعانستاننىڭ ساۋدا-ينۆەستيسيالىق پالاتاسىنىڭ ديرەكتورلار كەڭەسىنىڭ مۇشەسى حانجان الوكوزاي.
اۋعانستان بۇعان دەيىن وسىنداي كورمەلەردى وزبەكستاندا، تۇرىكمەنستاندا جانە قىتايدا وتكىزگەن. جۇڭگو حالىق رەسپۋبليكاسىندا ول جاقىندا عانا (شىلدە ايىنىڭ سوڭىندا) ءوتىپ، التى كۇنگە سوزىلدى.