قازاقستان قۇراماسى فۋتزالدان الەم چەمپيوناتىنىڭ شيرەك فينالىنا جولداما الدى.
وزبەكستاندا ءوتىپ جاتقان ءتۋرنيردىڭ 1/8 فينالىندا قازاقستان قازىرگى الەم چەمپيونى پورتۋگاليامەن كەزدەستى، aqshamnews.kz.
ويىننىڭ 11-مينۋتىندا شىڭعىس ەسەنامانوۆ ەسەپ اشتى. ەكىنشى تايمنىڭ باسىندا پورتۋگاليا تارازى باسىن تەڭەستىرە الدى. زيكي تە 21-مينۋتتا قانجىعاسىن مايلادى.
كەزدەسۋ اقىرىنداپ وۆەرتايمعا جاقىنداعان. ءبىراق ويىننىڭ اياقتالۋىنا بىرنەشە سەكۋند قالعاندا قازاقستان جەڭىستى جۇلىپ اكەتتى. داۋرەن تۇرساعۇلوۆ جەڭىس گولىن سوقتى.
وسىلايشا، قازاقستان قۇراماسى 2021 جىلى ءاچ جارتىلاي فينالىندا كەتكەن ەسەنى قايتاردى.
ەندى قازاقستاندىقتار شيرەك فينالدا ارگەنتينا - حورۆاتيا ماچىنىڭ جەڭىمپازىمەن كەزدەسەدى.