زارداپ شەككەندەر جوق
اتىراۋدا قۇرىلىسشىلار تۇرىپ جاتقان ەكى ۆاگون ورتەندى، دەپ حابارلايدى Almaty-akshamy.kz.
كەشە، 28 قاڭتاردا تۇنگى ساعات 23:37-دە اتىراۋ قالاسىنىڭ «بەرەكە» شاعىناۋدانىنداعى تۇرعىن ءۇيدىڭ جانىندا تۇرعان ەكى ۆاگون-كونتەينەر ورتەنگەن.
بىر-بىرىنە جاپسارلاس قويىلعان ۆاگون-كونتەينەرلەردە قۇرىلىسشىلار تۇرعان. ءورت ەلەكتر پەشىنىڭ قاراۋسىز قالۋىنان تۇتانعان. ۆاگون-كونتەينەرلەردە گاز باللوندارى بولعان.
«وقيعا ورنىنا جەدەل جەتكەن ءورت سوندىرۋشىلەر ۆاگون-كونتەينەرلەردىڭ ىشىنەن 55 ليترلىك ەكى گاز باللونىن الىپ شىقتى. ءسويتىپ، گاز جارىلىسىنىڭ الدىن الدى. جالىن بۇگىن، 29 قاراشادا ساعات 00:20-دا وقشاۋلاندىرىلىپ، ساعات 00:21-دە تولىق ءسوندىرىلدى»، - دەپ حابارلادى توتەنشە جاعدايلار دەپارتامەنتىنىڭ باسپا ءسوز قىزمەتىنەن.
ءورت سوندىرۋگە دەپارتامەنتتىڭ 11 قىزمەتكەرى مەن 3 تەحنيكاسى جۇمىلدىرىلدى. زارداپ شەككەندەر جوق.
ەسكە سالا كەتەلىك، بۇدان بۇرىن اتىراۋ وبلىسىندا كولىكتەن شىققان ءورت تۇرعىن ءۇيدى شارپىعان ەدى.