30 ماۋسىمعا دەيىن حالىقتىڭ 58% ريەۆاكسيناسيامەن قامتىلدى
الماتىدا حالىقتى كوروناۆيرۋس ينفەكسياسىنا قارسى ۆاكسيناسيا جانە ريەۆاكسيناسيا جۇمىسى جالعاسىپ جاتىر، دەپ حابارلايدى Almaty-akshamy.kz.
الماتى قالالىق سانيتاريالىق-ەپيدەميولوگيالىق باقىلاۋ دەپارتامەنتى تاراتقان مالىمەتكە سايكەس، 2021 جىلدىڭ 1 اقپانى مەن 2022 جىلعى 30 ماۋسىم ارالىعىندا كوروناۆيرۋس ينفەكسياسىنا قارسى ەكپەنىڭ ءبىرىنشى دوزاسى 1،2 ملن ادامعا ەگىلدى.
ونىڭ ىشىندە ۆاكسينانىڭ ەكى كومپونەنتىن 1،1 ملن استام ادام العان.
«كوميرناتي» ۆاكسيناسىنىڭ (Pfizer ) ءبىرىنشىسى دوزاسىن - 98 مىڭ، ەكىنشى دوزاسىن - 91 مىڭنان استام ادام سالدىردى، بۇل- ەكپە الۋعا ءتيىس حالىقتىڭ 94%. سونىمەن قاتار، حالىققا ريەۆاكسيناسيا جۇرگىزۋ جۇمىسى دا جالعاسىپ جاتىر. بيىلعى جىلدىڭ 30 ماۋسىمىنا دەيىن حالىقتىڭ 58% ريەۆاكسيناسيامەن قامتىلدى»،- دەپ حابارلادى دەپارتامەنتتەن.
قالا بويىنشا ۆاكسيناسيا جۇرگىزەتىن 64 ەگۋ پۋنكتى جۇمىس ىستەپ تۇر.
«بۇگىنگى كۇن3 ەگۋ پۋنكتەرىندە QazVaس ۆاكسيناسىنىڭ - 124 453 دوزاسى، Vero Cell سينوفارمنىڭ -185 112 دوزاcى بار. ال Pfizer ۆاكسيناسىنىڭ 6 123 دوزا بار، شامامەن تاعى 10 مىڭ دوزا كۇتىلۋدە. قالا حالقىن كوروناۆيرۋس ينفەكسياسىنا قارسى ۆاكسينالاۋ ءۇشىن جەتكىلىكتى مولشەردە ۆاكسينامەن قامتاماسىز ەتىلگەن»،- دەپ ناقتىلادى الماتى قالالىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى.