كۇللى مۇسىلمان ءۇشىن ۇلىق سانالاتىن قۇربان ايت مەرەكەسى بيىل 9 شىلدەدە باستالادى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
باس ءمۇفتي بۇگىن وسىنى ءمالىم ەتتى. بۇل كۇندەرى مۇسىلماندار جاراتۋشىنىڭ رازىلىعى ءۇشىن قۇربان شالىپ، جوق-جىتىككە، جاعدايى جۇتاڭ جاندارعا كومەكتەسەدى. قۇرباندىققا قوي، ەشكى، سيىر ياكي تۇيە شالۋعا بولادى. قۇراندا اقىل-ەسى دۇرىس، باليعات جاسىنا تولعان مۇسىلمانعا، ونىڭ ىشىندە جولاۋشى ەمەستەرگە جانە نەگىزگى قاجەتتەردەن تىس نيساپ مولشەرىندەگى قارجىعا يە بولعاندارعا قۇربان شالۋ – ءۋاجىپ دەلىنگەن.
باس ءمۇفتي حالىقتى پەندەشىلىككە سالىنباي، پايدا تابۋ مەن الىپساتارلىققا بارماي، مال باعاسىن قىمباتتاتپاۋعا، حالىقتىڭ جاعدايىن ەسكەرۋگە شاقىردى. قاساپشىلار دا ءوز قىزمەتىنە الاتىن اقىسىن وسىرمەي، جاناشىرلىقپەن ەلگە قىزمەت ەتەر دەپ ۇمىتتەنەدى.