نايزاعاي ويناپ، بۇرشاق جاۋۋى مۇمكىن
سينوپتيكتەر قازاقستاندا 1 شىلدەگە ارنالعان اۋا رايى بولجامىن ۇسىندى: رەسپۋبليكادا نايزاعاي ويناپ، بۇرشاق جاۋادى، جەل كۇشەيەدى، تۇمان تۇسەدى، دەپ حابارلايدى Almaty-akshamy.kz.
«قازاقستاننىڭ باتىسىندا، شىعىسىندا جانە وڭتۇستىك-شىعىسىندا اتموسفەرالىق فرونتالدى ۋچاسكەلەر اسەرىن ساقتايدى، سوعان بايلانىستى اۋا رايى قۇبىلمالى بولادى: باتىستا نايزاعاي ويناپ، بۇرشاق جاۋۋى مۇمكىن. رەسپۋبليكا بويىنشا جەلدىڭ كۇشەيىپ، تۇندە جانە تاڭەرتەڭ قازاقستاننىڭ سولتۇستىگىندە تۇمان كۇتىلەدى»،-دەلىنگەن «قازگيدرومەت» رمك تاراتقان مالىمەتتە.
بولجام بويىنشا، كۇندىز الماتىنىڭ سولتۇستىگىندە، جەتىسۋ، ماڭعىستاۋ وبلىستارىنىڭ وڭتۇستىگىندە قاتتى ىستىق ساقتالادى.
«قىزىلوردانىڭ باسىم بولىگىندە، الماتى، اباي وبلىستارىندا، باتىس قازاقستاننىڭ وڭتۇستىگىندە، اتىراۋدىڭ باتىسىندا، ۇلىتاۋدىڭ وڭتۇستىك-باتىسىندا، قاراعاندىنىڭ وڭتۇستىك-شىعىسىندا، جامبىل وبلىسىنىڭ وڭتۇستىگىندە، پاۆلودار وبلىسىنىڭ ورتالىعىندا، تۇركىستان وبلىسىنىڭ سولتۇستىگىندە توتەنشە ءورت ءقاۋپى ساقتالادى»، – دەدى سينوپتيكتەر.