حاديشا بوكەيەۆا اتىنداعى باتىس قازاقستان وبلىستىق قازاق دراما تەاترى الماتى قالاسىنا گاسترولدىك ساپارمەن كەلە جاتىر، - دەپ حابارلايدى اqshamnews.kz ءتىلشىسى.
تاۋەلسىزدىك العاننان كەيىن قۇرىلعان تەاترلاردىڭ ءبىرى — باتىس قازاقستان وبلىسىنداعى حاديشا بوكەيەۆا اتىنداعى قازاق دراما تەاترى. حاديشا تەاترى ۇلتتىق ساحنا ونەرىنىڭ ۇلى كوشباسشىلارى سالعان جولداعى ۇلاعاتتى دا ءداستۇرلى ءۇردىس قۇندىلىقتاردى ساقتاي وتىرىپ، شىعارماشىلىق جاڭا بەلەستەرگە جەتۋ جولىندا، ىزدەنىس قارىمىن جان-جاقتى شىڭداپ كەلەدى. مەملەكەتتىڭ رۋحاني-مادەني كەڭىستىگىندە ايانباي ەڭبەك ەتىپ جۇرگەن ونەردىڭ قارا شاڭىراعى.
اتالمىش ۇجىم 2025 جىلدىڭ 7، 8، 9، 10 قازان كۇندەرى الماتى قالاسىندا گاسترولدىك ساپاردا بولادى. ونەرسۇيەر قاۋىمعا تەاتر رەپەرتۋارىنداعى تاڭداۋلى كلاسسيكالىق، الەمدىك جانە زاماناۋي دراماتۋرگيادان ۇزدىك قويىلىمدارىن جانە كىشكەنتاي كورەرمەندەرگە ارنالعان ەرتەگىلەرىن ۇسىنادى. سونىمەن قاتار بيىلعى جىلى رۋحتى اقىن جۇبان مولداعالييەۆتىڭ 105 جىلدىعى مەن نۇرعيسا تىلەندييەۆتى 100 جىلدىعى اياسىندا تۇلعالاردىڭ اسىل مۇراسىن ناسيحاتتاپ، جاس بۋىنعا ەلدىك رۋح پەن مادەني قۇندىلىقتى جەتكىزۋ ماقساتىندا قويىلعان سپەكتاكلدەر دە بار.
ءار قويىلىم – ساحناداعى شىنايى سەزىم، اكتەرلىك شەبەرلىك پەن كوركەمدىك ىزدەنىستىڭ توعىسى.
گاسترولدىك ساپار – ونەر ارقىلى وڭىرلەر اراسىنداعى مادەني بايلانىستى نىعايتۋ، قازاق تەاتر ونەرىن كەڭىنەن دارىپتەپ ودان ءارى دامىتۋعا ۇلەس قوساتىن يگى قادام بولماق.
گاسترولدىك قويىلىمدار كەستەسى:
7، 9، قازان 11.00 - ا.الامان «جالقاۋدىڭ جىرى» ەرتەگى
8، 10 قازان 11.00 –و.اۋباكىروۆ «مەن چەمپيون بولامىن» ەرتەگى
7 قازان 18.30 – ا.باقتىگەرەيەۆا، م.وماروۆا «جۇبان» پوەتيكالىق دراما
8 قازان 18.30 – ا.ۆولودين «سەنى ساعىندىم» پسيحولوگيالىق دراما
9 قازان 18.30 – ن.ساۋدانبەك ۇلى «مۇقاعالي-نۇرعيسا» دراما
10 قازان 18.30 — ن.ۆ.گوگول «ريەۆيزور» كومەديا
وتەتىن ورنى: ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى. الماتى قالاسى، ابىلايحان داڭعىلى، 38