سەنات دەپۋتاتتىعىنا كانديداتتاردىڭ 95،5%-ى ءوزىن-وزى ۇسىنعان
الماتى قالاسىنىڭ اۋماقتىق سايلاۋ كوميسسياسى پارلامەنت سەنات دەپۋتاتى سايلاۋىنا قالادان 4 ۇمىتكەر تۇسەتىن جاريالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆەدومستۆونىڭ مالىمەتىنشە، الماتىدان سەنات دەپۋتاتى سايلاۋىنا تۇسەتىن ۇمىتكەرلەردىڭ بارلىعى - ايەلدەر. ولار: «Youthart» قق ديرەكتورى كريستينا يۋريەۆنا بەكمۋرزايەۆا (1991 جىلى تۋعان، ءوزىن-وزى ۇسىنعان)، «الماتى مەملەكەتتىك سەرۆيس جانە تەحنولوگيالار كوللەدجى» مكقك ديرەكتورى جاركىن لەپەسوۆنا جانيازوۆا (1967 جىلى تۋعان، ءوزىن-وزى ۇسىنعان)، الماتى قالاسى جەتىسۋ اۋدانىنىڭ اكىمى گۋلنارا احمەتجانوۆنا كوكەبايەۆا (1974 جىلى تۋعان، «الماتى قالاسى جەتىسۋ اۋدانى اكىمىنىڭ اپپاراتى» كوممۋنالدىق مەملەكەتتىك مەكەمەسى، الماتى قالاسى، ءوزىن-وزى ۇسىنعان)، «الماتى قالاسىن دامىتۋ ورتالىعى» اق باسقارما ءتوراعاسىنىڭ كەڭەسشىسى جاننا بەيسەنتايەۆنا اسانوۆا (1975 جىلى تۋعان، ءوزىن-وزى ۇسىنعان). سالالارى بويىنشا: 1 - مەملەكەتتىك كوممۋنالدىق كاسىپورىننىڭ قىزمەتكەرى، 1 كانديدات - مەملەكەتتىك قىزمەتشى، 1-كوممەرسيالىق قۇرىلىمداردىڭ قىزمەتكەرى، 1-قوعامدىق ۇيىمنىڭ وكىلى.
ماماندىقتارى بويىنشا: زاڭگەرلەر-2، ينجەنەرلەر-1، ونەر سالاسى-1. بۇل رەتتە 1 كانديداتتىڭ ەكى ماماندىعى بار. ۇمىتكەرلەردىڭ ورتاشا جاسى - 45.
«سايلاۋ كوميسسياسىندا الماتىدا كانديداتتاردى ۇسىنۋ 2022 جىلعى 29 قاراشادان 14 جەلتوقسان ساعات 18.00-گە دەيىن جۇزەگە اسىرىلدى. الماتى قالاسى بويىنشا ءوزىن-وزى ۇسىنۋ ارقىلى ق ر پارلامەنتى سەناتىنىڭ دەپۋتاتتىعىنا 10 كانديدات ۇسىنىلعانىن حابارلادى. «ولاردىڭ ۇشەۋى كونستيتۋسيا مەن سايلاۋ تۋرالى كونستيتۋسيالىق زاڭنىڭ تالاپتارىنا سايكەس كەلمەدى. ەكەۋى تىركەۋ ءۇشىن قاجەتتى قۇجاتتاردىڭ تولىق ءتىزىمىن ۇسىنبادى. 2022 جىلدىڭ 24 جەلتوقسانىندا تىركەۋدىڭ اياقتالۋ مەرزىمىنىڭ سوڭعى كۇنىنە دەيىن بارلىعى 5 ۇمىتكەر تىركەلگەن ەدى. كانديداتتاردى تىركەگەننەن كەيىن سايلاۋ تۋرالى كونستيتۋسيالىق زاڭدا بەلگىلەنگەن تارتىپكە ساي، الماتى قالاسىنىڭ سايلاۋ كوميسسياسى مەملەكەتتىك كىرىستەر دەپارتامەنتىنە اكتيۆتەر مەن مىندەتتەمەلەر تۋرالى مالىمەتتەردىڭ دۇرىستىعىن تەكسەرۋ تۋرالى سۇراۋ جولداعان بولاتىن. تاپسىرىلعان دەكلاراسيا مەن ۋاكىلەتتى ورگانداردان الىنعان مالىمەتتەردىڭ سايكەس كەلمەۋىنە بايلانىستى الماتى قالاسى مەملەكەتتىك كىرىستەر دەپارتامەنتىنىڭ انىقتاماسى نەگىزىندە 2022 جىلعى 25 جەلتوقساندا 1 كانديداتتى تىركەۋ تۋرالى شەشىمنىڭ كۇشى جويىلدى. وسىلايشا، 2023 جىلعى 5 قاڭتارداعى جاعداي بويىنشا، الماتى قالاسىنان 4 كانديدات تىركەلدى - ج.ب. اسانوۆا، ك.يۋ. بەكمۋرزايەۆا، ج.ل. جانيازوۆا جانە گ.ا. كوكەبايەۆا»، - دەدى ۆەدومستۆو.
سونداي-اق سەنات دەپۋتاتتارىن سايلاۋ جاناما جولمەن جۇرگىزىلەدى، ياعني وعان بارلىق حالىق قاتىسپايدى. سەنات دەپۋتتارىن بارلىق وڭىردەگى ءماسليحاتتاردىڭ دەپۋتاتتارى سايلايدى.
ەسكە سالايىق، 2023 جىلدىڭ 14 قاڭتارىندا ەلىمىزدىڭ 20 وڭىرىنەن ءبىر-بىر سەنات دەپۋتاتىن سايلاۋ وتەدى.
ايتا كەتسەك، سەنات دەپۋتاتتىعىنا كانديداتتاردىڭ 95،5%-ى ءوزىن-وزى ۇسىنعان.