اياداي اۋىلداعى قوس كوللەدجدىڭ شاكىرتتەرى ءتارتىبىن تۇزەمەسە، جازا ەكى ەسە قاتاڭداۋى مۇمكىن.
ويىننان وت شىقتى. الماتى وبلىسى ۇزىناعاش اۋىلىنداعى جاسوسپىرىمدەر اراسىنداعى جانجالدىڭ نەدەن شىققانى بەلگىلى بولدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ەكەۋارا كەلىسە الماعان 16 جاستاعى ستۋدەنتتەر اۋىل ىشىندەگى ساياباقتا كەزدەسىپ، ەسەپ ايىرىسپاق بولعان ەكەن. ەستە بولسا، ۇزىناعاش مەديسينالىق كوللەدجىنىڭ ەكىنشى كۋرس ستۋدەنتى باسقا وقۋ ورنىنىڭ ستۋدەنتىن تاياقتىڭ استىنا العان ۆيدەوسى الەۋمەتتىك جەلىگە تاراپ كەتكەن ەدى. قارا كۇرتەشە كيگەن قىزدىڭ قىزىل كيىمدەگى ءجاسوسپىرىمدى جاعاسىنان الىپ، جۇدىرىقتاپ جاتقانىن انىق كورۋگە بولادى. ۆيدەونى ءتۇسىرىپ تۇرعان ەر-ازاماتتاردىڭ توبەلەسكە قاتىسقانداردى اجىراتۋعا قۇلىقسىز ەكەنىن دە بايقالادى. قىزۋقاندىلىققا سالىندىق دەگەن ستۋدەنتتەر ءبارى ويىننان باستالدى دەپ وتىر.
«ءبىر-بىرىمىزدىڭ ءسوزىمىزدى كوتەرە الماي، ەرەگەسىپ قالدىق. سول جەردە ەموسياعا بەرىلىپ كەتتىك. نۇرايدىڭ مۇرنى قاناعاندا، مەن ءوزىم قورقىپ قالدىم»، – دەدى ستۋدەنت ديلنوز.
جەلىدە جۇدىرىق جۇمسادى دەگەن ءجاسوسپىرىم ءدال وسى ۇزىناعاش مەديسيسينيلىق مەكەمەسىندە ەكىنشى كۋرستا وقيدى ەكەن. وقۋ ورىنىنىڭ اكىمشىلىگى ستۋدەنتتىڭ ءتارتىبى جاقسى ەكەنىن ايتتى. الايدا كوپشىلىك ونى اسقان قاتىگەزدىكپەن جۇدىرىق جۇمساعانى ءۇشىن جازاعا تارتۋ كەرەگىن ايتادى.
اتالعان مەديسينالىق مەكەمەنىڭ باسشىسى بۇل بەينەجازبانىڭ كەشە عانا شىعۋى بىزگە جاسالعان قاستاندىق دەپ وتىر. ال ەكى جاس اراسىنداعى جانجالدى قاراپايىم جاعداي دەپ باعا بەرىپ وتىر.
«وزدەرى ساياباققا شاقىرعان. بىرەۋ ادەيى سۋرەتكە تۇسىرگەن. ولار ءبىر اۋىلدا تۇرادى. ءبارى بىلەدى. كونفليكت ءار جەردە بولادى، مىسالى، ۇيدە دە توبەلەسەدى»، – دەدى ۇزىناعاش مەديسينالىق كوللەدجىنىڭ ديرەكتورى يلدار يۋلدابايەۆ.
«بۇگىنگى كۇنى ءبىلىپ جاتىرمىز عوي. وعان مىندەتتى تۇردە شارا قولدانىلادى. تاربيە ىسىندە وسالدىق تانىتقان»، – دەدى ءبىلىم باسقارماسىنىڭ تەحنيكالىق جانە كاسىپتىك ءبىلىم بەرۋ ءبولىمىنىڭ باسشىسى ءامينا تورەبايەۆا.
«نەگىزى ءبىر اي بۇرىن بولعان. وسى 3 جەلتوقساندا كەشىرىم سۇراپ، شەشىپ تاستاعانبىز. ءبىراق وسى ايدا قايدان تاراعانىن بىلمەيمىز. باسىندا نەگىزى ويىن بولعان، ويناپ جۇردىك. سول جەردە "قاداي المايسىڭ" دەگەن سوزگە بولا تىرەسىپ تۇردىق. ويىننان وت شىقتى. تاياق جەگەندە، دوس بولعان سوڭ، ارتىق كەتكەن جوق»، – دەدى زارداپ شەگۋشى نۇراي.
«اكىمشىلىك قۇقىقبۇزۋشىلىق كودەكسىنىڭ 127-بابى، ياعني اتا-انالاردىڭ ءوزىنىڭ اتا-انالىق مىندەتىن دۇرىس اتقارماۋ دەگەن باپقا ماتەريالعا قۇجات جينالۋدا. ەكەۋى بىر-بىرىمەن تاتۋلاسىپ، ەكى جاقتىڭ دا بىر-بىرىنە كىنا تاقپايتىنى، بىر-بىرىنە ارىز جازباعانى انىقتالىپ وتىر»، – دەدى جامبىل اۋداندىق پوليسيا ءبولىمىنىڭ باستىعى اسحات دانيار.
بۇگىن پوليسيا باسقارماسىندا تاراپتار كەزدەسىپ، بۇل جايتتى تاعى تالقىلادى. اياداي اۋىلداعى قوس كوللەدجدىڭ شاكىرتتەرى ءتارتىبىن تۇزەمەسە، جازا ەكى ەسە قاتاڭداۋى مۇمكىن. ال ازىرگە ءىستى اكىمشىلىك سوت باقىلاۋدا ۇستايدى.