ولار مەكتەپتەردىڭ قۇرىلىسى مەن جوندەۋ جۇمىستارىنا جۇمسالاتىن بولادى.
جەمقورلىققا قاتىستى قىلمىستىق ىستەر بويىنشا تاركىلەنگەن 120 ملرد تەڭگە قاراجات «ءبىلىم بەرۋ ينفراقۇرىلىمىن قولداۋ قورىنا» ءتۇستى. بۇل تۋرالى بۇگىن پرەزيدەنت قاسىم-جومارت توقايەۆتىڭ قابىلداۋىندا بولعان پرەمەر-مينيستردىڭ ورىنباسارى – قارجى ءمينيسترى ەرۇلان جاماۋبايەۆ ايتتى، دەپ حابارلايدى Almaty-akshamy.kz.
ءمالىم بولعانداي، مەملەكەت باسشىسىنىڭ تاپسىرماسىنا سايكەس، سىبايلاس جەمقورلىققا قاتىستى قىلمىستىق ىستەر بويىنشا تاركىلەنگەن قاراجات «ءبىلىم بەرۋ ينفراقۇرىلىمىن قولداۋ قورىنا» جىبەرىلىپ جاتىر. قازىرگى كەزدە ارنايى شوتتا 120 ملرد تەڭگەگە جۋىق قاراجات جينالعان. ولار مەكتەپتەردىڭ قۇرىلىسى مەن جوندەۋ جۇمىستارىنا جۇمسالاتىن بولادى.
كەزدەسۋ سوڭىندا قاسىم-جومارت توقايەۆ بيۋدجەت قاراجاتىن ءتيىمدى پايدالانۋعا، مەملەكەت قارجىسىنىڭ جاعدايىن جاقسارتۋعا، سونداي-اق سالىقتىق جانە كەدەندىك اكىمشىلەندىرۋ ءىسىن جەتىلدىرۋگە باعىتتالعان ءبىرقاتار تاپسىرما بەردى.
ەسكە سالايىق، پرەزيدەنت توقايەۆ بىلتىر 1 جەلتوقساندا جاريالاعان جولداۋىندا: «جەمقورلاردىڭ زاڭسىز تاپقان قارجىسى ولار سوتتالعان سوڭ مەملەكەتكە ءوتىپ، تۇگەلدەي مەكتەپ قۇرىلىسىنا جۇمسالۋى ءتيىس»، - دەپ اتاپ وتكەن بولاتىن.