قتج «جولاۋشىلار تاسىمالى» اق وكىلدەرى مەن سيان قالاسىنىڭ (قحر) ۇكىمەتىنىڭ دەلەگاسياسى سيان قالاسىنان الماتىعا حالىقارالىق تۋريستىك جولاۋشىلار پويىزىن شىعارۋدى ۇيىمداستىرۋ ماسەلەسىن تالقىلادى.
تۋريستىك پويىز ءۇرىمشى – الماتى-2 باعىتىنداعى №103/104 جولاۋشىلار پويىزىنىڭ كەستەسى بويىنشا «قورعاس-التىنكول» شەكارا وتكەلىنەن وتەدى، دەپ حابارلايدى Almaty-akshamy.kz.
«پويىز الماتى-2 ستانسياسىندا بىرنەشە كۇن بولادى. وسى ۋاقىت ىشىندە قازاقستان تاراپى جولاۋشىلار ءۇشىن تەمىرجول ۆوكزالىندا قاۋىپسىزدىك شارالارىن قامتاماسىز ەتىپ، مادەني-كوپشىلىك ءىس-شارالاردى ۇيىمداستىرۋعا جاردەمدەسەدى»، دەپ حابارلادى «جولاۋشىلار تاسىمالى» اق باسپا ءسوز قىزمەتى.