الماتىدان قاشپاق بولعان ءبىر توپ مارودەر ۇستالدى. بۇل تۋرالى قالالىق كومەنداتۋرانىڭ اقپاراتتىق ورتالىعى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
مەدەۋ اۋداندىق پوليسيا قىزمەتكەرلەرى ماڭعىستاۋ وبلىسىنىڭ بەس تۇرعىنىن ۇستادى. ولاردان ءتۇرلى ساۋدا ۇيلەرىنەن ۇرلانعان زاتتاي ايعاقتار تابىلدى. كۇدىكتىلەر بۇل زاتتاردى توناۋ جولىمەن العانىن مويىندادى.
سونداي-اق، ۇستالعانداردان اسكەري قىزمەتشىلەرگە تيەسىلى شۋ گراناتالارى، باس كيىمدەرى، وق وتپەيتىن كيىم مەن قالقاندارى تاركىلەندى. اتالعان فاكت بويىنشا ق ر قك-نىڭ 272-بابى (جاپپاي تارتىپسىزدىكتەردى ۇيىمداستىرۋ جانە وعان قاتىسۋ) جانە ق ر قك-نىڭ 188-بابى (بوتەننىڭ مۇلكىن جاسىرىن جىمقىرۋ) بويىنشا سوتقا دەيىنگى تەرگەۋ باستالدى.
كۇدىكتىلەر ۋاقىتشا ۇستاۋ يزولياتورىنا قامالدى. قىلمىستىق ءىس سوتقا جىبەرىلەتىن بولادى.