قازاقستان دامۋ بانكى جەكە توپتاردىڭ جەكە بانكىنە اينالعان. مەملەكەت باسشىسى قاسىم-جومارت توقايەۆ پارلامەنت ءماجىلىسىنىڭ وتىرىسىندا وسىنداي پىكىر ءبىلدىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«قازاقستان دامۋ بانكى قارجى-ونەركاسىپتىك جانە قۇرىلىس توپتارىنىڭ ىشىندە تاڭداۋلى تۇلعالار توبىنىڭ جەكە بانكىنە اينالدى. ءبىز ءبارىنىڭ ءاتى-جونىن بىلەمىز. جوعارى كابينەتتەرگە كىرە الاتىنىن پايدالانىپ، ولار ءوز جوبالارىن ىسكە اسىرۋدا ارتىقشىلىق الىپ وتىر. بۇل جوبالارعا كەتكەن مەملەكەتتىڭ قاراجاتىن شاعىن جانە ورتا بيزنەسكە جۇمساۋعا بولاتىن ەدى»، - دەدى قازاقستان پرەزيدەنتى. Cونداي-اق، ول ۇكىمەتكە قازاقستان دامۋ بانكىنىڭ قىزمەتىن قايتا قۇرۋدى جۇكتەدى. «مەملەكەتتىك قولداۋ شارالارىن ۇسىنۋ ۇدەرىستەرى اشىق ەمەس ءارى ءتيىمسىز بولىپ قالۋدا. بۇل تاسىلدەردى تۇبەگەيلى قايتا قاراۋ كەرەك. بۇل تۇسىنىكتى ءارى اشىق تەتىكتەر بولۋى كەرەك»، - دەدى مەملەكەت باسشىسى.
ءماجىلىس وتىرىسىندا پرەزيدەنت «دوستارعا – ءبارى، قالعاندارىنا – زاڭ بويىنشا» قاعيداتى ەكونوميكاداعى وليگاپوليانى ودان ءارى كۇشەيتەتىنىن باسا ايتتى.
«مەملەكەتتىك قولداۋ شارالارىنىڭ تيىمدىلىگى مەن قولجەتىمدىلىگى تۋرالى ءادىل سۇراقتار تۋىنداپ جاتىر. قالىپتاسقان جۇيە نەگىزىنەن ءىرى قۇرىلىمدارعا «دوستارعا –ءبارى، قالعاندارىنا – زاڭ بويىنشا» قاعيداتىمەن قىزمەت كورسەتۋگە باعدارلانعان. شىن مانىندە، قازىرگى جۇيە ەكونوميكاداعى وليگاپوليانى ودان ءارى كۇشەيتەدى»، - دەدى قاسىم-جومارت توقايەۆ.