بولاشاق كىلتى - بىرلىكتە
قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ پارلامەنت ءماجىلىسىنىڭ وتىرسىندا «جاڭا قازاقستاندى قۇرامىز» دەدى.
الەمگە شولۋ. امەريكا قۇراما شتاتتارى 1789 جىلى وزدەرىنىڭ العاشقى كوسەمىن سايلادى. 1791 كونستيتۋسياسىن قابىلدادى. مىنە، وسى ساتتەن باستاپ دامۋعا قاراي بەت بۇردى. ەكونوميكانى ءارتاراپتاندىردى. ەليتانى قالىپتاستىردى. قارجى سەكتورىن جولعا قويدى. بارلىعى امەريكالىقتاردىڭ بولاشاعىنىڭ يگى بولماعى ءۇشىن ەدى.
جاپونيا ەكىنشى دۇنيجۇزىلىك سوعىستان ابدەن قالجىرادى. ونداعى ءىرى ءتورت ارالدىڭ باسى بىرىگە قويمادى. ولار وسى قالجىراۋدان اقىلدىڭ كۇشىمەن شىقتى. قالدىقتى وڭدەدى. تەحنولوگيانى جەتىلدىردى. كەمە، ماشينا، ەلەكترونيكا جاساۋ سالاسىندا ۇزدىك ناتيجە كورسەتتى. وڭدەۋ ونەركاسىبى سالاسىندا ءبىرقاتار وزگەرىستەر جاسادى. وسىلايشا الەۋمەتتىك الەۋەتتى كوتەردى.
بۇل اتالعان دامىعان دەرجاۆالار تاجىربيەسىن وڭتۇستىك كورەيا، كانادا، سينگاپۋر سىندى مەملەكەتتەر قولداندى دەسەك، انىق بولار. ءبىراق، ءاربىر ءىستىڭ قاتە تۇستارى دا كەزدەستى. دەگەنمەن اتالعان ەلدەر بۇل تىعىرىقتان شىعىپ، الەمنىڭ ەكونوميكاسىنىڭ كوشباسشىسىنا اينالا ءبىلدى.
جارقىن بولاشاق. ابىلاي حان، حان كەنە كەزىندە ورتالىق، تەرىسكەي، سىرداريا بويىنا ەگىن سالۋدى ءجون كورگەن. الماعايىپ شاقتا سوعان كۇش سالعان. ءسويتىپ، مال شارۋاشىلىعىمەن قاتار اۋىل شارۋاشىلىعىن قولعا العان. ول، ارينە، تاپقىرلىق بولدى. انىعى سول، حVIII-XIX عاسىرداعى دۇنيە وسى كۇنگە دەيىن وزەكتى بولىپ تۇر. بۇل جاعىنان ءبىرقاتار ىستەر تىندىرىلىپ جاتىر دا.
قازاق جۇرتى - تاعدىرلى حالىق. ءوزىنىڭ ارعى-بەرگى تاريحىندا كوپتى كوردى. جوڭعار، قالماق، ويراتتار، قوقان، حيۋا شاپقىنشىلىعى، پاتشالىقتىڭ جاساعاندارى ءبارى جۇرتتىڭ قاڭقاسىن، جانىن جارالادى. دەسە دە، اۋەلى جاراتۋشىنىڭ، سودان كەيىن وزدەرىنىڭ بىرلىگىنىڭ ارقاسىندا بارلىق قيىنشىلىقتى ەڭسەردى.
ەندىگى بولاشاق جاستاردىڭ قولىندا. بۇل - اقيقات. ولار ءىت، نانوتەحنولوگيا، بيوتەحنولوگيا، قارجى سەكتورىندا اسا زور جەتىستىكتەرگە جەتىپ جۇرگەن جاستار جەتەرلىك. قاراكوزدەرىمىز اقش، ەۋروپا، كانادا، جۇڭگو نارىعىندا جەمىستى ەڭبەك ەتىپ ءجۇر. مەيىلىنشە، سول ازاماتتار ەلگە ورالىپ، تۋعان جەردىڭ دامۋىنا ۇلەسىن قوسسا دەگەن ويدامىز.
قازاق ەلىنىڭ الار اسۋى، باعىندىرار بەلەسى، جارقىن بولاشاعى الدا دەپ سەنەمىز. قاسيەتتى وتانىمىز ماڭگى جاساسىن!