الماتى قالاسىنىڭ تورىنەن باسپانا الۋ – ءار الماتىلىقتىڭ ارمانى بولار. وسى ورايدا، «Almaty aqshamy» گازەتى 2022 جىلى مەملەكەتتىك تۇرعىن ءۇي باعدارلامالارى بويىنشا تۇرعىن ءۇيدى جالعا نەمەسە ساتىپ الۋ جولدارىن ۇسىنادى.
جالپى، ءبىزدىڭ ەلدە مەملەكەتتىك باعدارلامالار ارقىلى باسپانالى بولۋدىڭ ەكى جولى بار:
- جالداۋ ارقىلى – ساتىپ الۋ مۇمكىندىگىمەن نەمەسە ساتىپ الۋ قاراستىرىلمايدى.
- جەڭىلدىكپەن نەسيە بەرۋ (تومەن پايىزدىق يپوتەكا).
ءاربىر باعدارلاماعا «كىرۋ» ۇمىتكەردىڭ تابىسىنا بايلانىستى، ول ەڭ تومەنگى كۇنكورىس دەڭگەيى بويىنشا ەسەپتەلەدى. 2022 جىلى بۇل كورسەتكىش 36 018 تەڭگەنى قۇرايدى.
سونداي-اق، باعدارلامالاردىڭ باسىم بولىگى ءۇشىن ادامنىڭ ءوز باسپاناسى بولماۋى ءتيىس جانە ول اكىمدىكتە تۇرعىن ۇيگە كەزەكتە تۇرۋى ءتيىس. كەزەككە kezekte.kz تىركەلۋ-پلاتفورماسى ارقىلى تۇرۋعا بولادى.
ءار باعدارلاماعا جەكەلەي توقتالساق.
جالعا الۋ
- الەۋمەتتىك جاعدايى تومەن ازاماتتار ءۇشىن. بۇل - كوپ بالالى جانە تولىق ەمەس وتباسىلار، جەتىم بالالار، مۇمكىندىگى شەكتەۋلى بالالارى بار وتباسىلار. قاتىسۋشىلارعا قويىلاتىن تالاپ:
– اكىمدىك كەزەگىندە تۇرۋ؛
– جەكە تۇرعىن ءۇيى بولماۋعا ءتيىس؛
– كونكۋرسقا قاتىسۋعا ءوتىنىم بەرۋ؛
– وتباسىنىڭ ءبىر مۇشەسىنە تابىسى ەڭ تومەنگى كۇنكورىس دەڭگەيىنەن (36 018 تگ) ارتىق بولماۋى ءتيىس. ساتىپ الۋ مۇمكىندىگىنسىز بەرىلەتىن پاتەر كوممۋنالدىق قوردان بەرىلەدى. بۇل باستاپقى نەمەسە قايتالاما تۇرعىن ءۇي بولۋى مۇمكىن.
اي سايىنعى جالداۋ اقىسى – 5000 تەڭگەدەن 15 000 تەڭگەگە دەيىن. مولشەرىن اكىمدىكتەر بەلگىلەيدى. كوممۋنالدىق تولەمدەر مەن ءۇيدىڭ شىعىندارى قوسىمشا تولەنەدى. جالعا الۋشى پاتەردە تۇراقتى تۇرىپ، جالداۋ شارتىن ءار بەس جىل سايىن ۇزارتا الادى.
ازامات قايتىس بولعان جاعدايدا تۇرعىن ءۇي وتباسى مۇشەسىنە مۇرا بولىپ قالادى. باعدارلاما ەلىمىزدىڭ بارلىق اۋماعىندا قولدانىلادى. 2022 جىلى 3 مىڭعا جۋىق پاتەر بەرۋ جوسپارلانىپ وتىر.
وتىنىمدەردى قابىلداۋ تۋرالى حابارلاندىرۋلاردى تۇرعىن ءۇي باسقارماسى جاريالايدى. بيىل ەلىمىزدە جالداۋ اقىسىن سۋبسيديالاۋ باستالادى: 50%-ىن مەملەكەت تولەيدى، 50%-ىن جالعا الۋشىنىڭ ءوزى تولەيدى. تەك تابىسى تومەن ازاماتتارعا كومەك كورسەتىلەدى.
2. جۇمىس ىستەيتىن جاستار ءۇشىن الماتى قالاسىندا جۇمىس ىستەيتىن جاستارعا دا جالعا بەرىلەتىن تۇرعىن ءۇي قاراستىرىلعان. «Almaty zhastary» باعدارلاماسى ارقىلى 29 جاسقا دەيىنگى ازاماتتارعا 5 جىلعا جالعا باسپانالى بولۋعا بولادى. تالاپتار:
– اپاتتى تۇرعىن ۇيلەردى قوسپاعاندا، سوڭعى ەكى جىلدا ءوتىنىش بەرۋشىنىڭ، جۇبايىنىڭ (زايىبىنىڭ)، كامەلەتكە تولماعان بالالارىنىڭ جەكە تۇرعىن ءۇيىنىڭ بولماۋى؛
– قالادا كەمىندە ەكى جىل تۇراقتى تىركەۋدە بولۋى؛
– اياقتالعان ورتا/ارنايى ورتا/جوعارى/جوعارى وقۋ ورنىنان كەيىنگى ءبىلىم؛
– رەسمي تۇردە جۇمىس ىستەۋ؛
– ءوتىنىش بەرۋشىنىڭ سوڭعى التى ايداعى تابىسى كەمىندە 40 اەك (122،5 مىڭ تگ) بولۋى ءتيىس. 2022 جىلى 1 اەك – 3063 تەڭگەنى قۇرايدى.
بالدىق جۇيە قولدانىلادى (وتباسى، بالالار، جۇمىس جانە ت.ب. ءۇشىن). جاڭا تۇرعىن ءۇي ۇسىنىلادى. اي سايىنعى جالداۋ اقىسى – 5000–15 000 تەڭگە اراسىندا. جالعا الۋدىڭ ەڭ ۇزاق مەرزىمى – 5 جىل.
مەرزىمى اياقتالعاندا جالعا الۋشى پاتەردى قايتارۋى ءتيىس. الماتىدا بۇل باعدارلاما ارقىلى جىل سايىن 1000 پاتەر بەرىلەدى.
باعدارلاما 2025 جىلعا دەيىن جۇمىس ىستەيدى.
3. ساتىپ الۋ قۇقىعىمەن جالعا الۋ («نۇرلى جەر») اكىمدىكتەردە كەزەكتە تۇرعاندار ءۇشىن: حالىقتىڭ الەۋمەتتىك وسال توپتارى، سونداياق ءبىلىم بەرۋ، دەنساۋلىق ساقتاۋ، مادەنيەت، سپورت، ءىىد، تجد قىزمەتكەرلەرى.
باعدارلاما وپەراتورى – «قازاقستان تۇرعىن ءۇي كومپانياسى» اق (قتۇك). جىلدان-جىلعا تىزىمگە وزگەرتۋلەر ەنگىزىلىپ تۇرادى. ولاردى ءوڭىردىڭ قاجەتتىلىكتەرىنە جانە تۇرعىن ءۇيدىڭ بولۋىنا قاراي بەيىندى مينيسترلىكتەر مەن اكىمدىكتەر قالىپتاستىرادى. ۇمىتكەرلەرگە قويىلاتىن تالاپتار:
– سوڭعى بەس جىل ىشىندە جەكە تۇرعىن ءۇيى بولماۋى ءتيىس. ەگەر جاتاقحانادا بولمە بولسا، وندا وتباسىنىڭ ءار مۇشەسىنە 15 شارشى مەتردەن از بولۋى كەرەك؛
– اكىمدىك كەزەگىندە تۇرۋ؛
– قتۇك ىشكى قۇجاتتارىنا سايكەس تولەم قابىلەتتىلىگىن راستاۋ. الماتىدا جالعا الۋ قۇنى 1 شارشى مەترىنە – 1455 تەڭگە. كوممۋنالدىق تولەمدەر مەن ءۇيدىڭ شىعىندارى قوسىمشا تولەنەدى.
شارتتارى:
– پاتەرلەر باستاپقى نارىقتان بەرىلەدى؛
– باستاپقى جارناسىز؛
– مەرزىمىنەن بۇرىن ساتىپ الۋ مۇمكىندىگىمەن 20 جىلعا بەرىلەدى. ءوتىنىم ماقۇلدانعان جاعدايدا جالعا الۋ شارتى بويىنشا تۇرعىن ءۇي قۇنىنىڭ 1%-ى مولشەرىندە ءبىرجولعى تولەم ەنگىزۋ قاجەت.
وتىنىمدەردى قابىلداۋ تۋرالى حابارلاندىرۋلار تۇرعىن ءۇي باسقارمالارىنىڭ سايتتارىندا جاريالانادى.
جەڭىلدىكپەن نەسيە بەرۋ
1. «باقىتتى وتباسى» باعدارلاماسى كوپ بالالى، تولىق ەمەس وتباسىلار مەن مۇمكىندىگى شەكتەۋلى بالالارى بار وتباسىلار ءۇشىن.
تالاپتار:
– كەزەكتە تۇرۋ؛
– جەكە تۇرعىن ءۇيى بولماۋى؛
– «وتباسى بانكتە» دەپوزيت اشۋ؛
– وتباسىنىڭ ءبىر مۇشەسىنە شاققانداعى تابىسى 3،1 ەڭ تومەنگى كۇنكورىس دەڭگەيىنەن ارتىق ەمەس (111،6 مىڭ تگ).
شارتتارى:
– مولشەرلەمە – 2 %؛
– باستاپقى جارنا – 10 %-دان؛
– مەرزىمى – 20 جىلعا دەيىن.
الماتىدا بەرىلەتىن قارىزدىڭ ەڭ جوعارعى سوماسى – 15 ملن تەڭگەگە دەيىن. ءسىز ءوزىڭىز كەزەككە تۇرعان ايماقتا پاتەردى باستاپقى، قايتالاما نارىقتا نەمەسە جەر ءۇي ساتىپ الا الاسىز.
ءوتىنىم «وتباسى بانكىنىڭ» www.hcsbk. kz. سايتى ارقىلى بەرىلەدى.
قابىلداۋدىڭ باستالۋى تۋرالى ەسكەرتۋ بانك سايتتارى مەن ءسىزدىڭ قالاڭىزدىڭ تۇرعىن ءۇي باسقارمالارىنىڭ پاراقشالارىندا جاريالاندى.
قۇجاتتاردى قابىلداۋ 1–29 ساۋىرگە بەلگىلەنگەن.
بيىل وسى باعدارلاما بويىنشا بارلىعى 5،1 مىڭ قارىز بەرىلەدى.
4. «الماتى جاستارى 3.0»
مەملەكەتتىك، قالالىق جانە رەسپۋبليكالىق مەكەمەلەردە جۇمىس ىستەيتىن جاستار ءۇشىن: پوليسيا قىزمەتكەرلەرى، مۇعالىمدەر، مادەنيەت، سپورت، جۋرناليستيكا، الەۋمەتتىك جانە IT سالاسىنىڭ قىزمەتكەرلەرى جانە ت.ب.
تالاپتار:
– جاسى 35 جاستان اسپاۋى؛
– سوڭعى 5 جىلدا جانە ءوتىنىم بەرگەن ساتتە (وتباسى مۇشەلەرىن قوسا العاندا) جەكە تۇرعىن ءۇيىنىڭ جانە ساتىپ الۋ قۇقىعىمەن جالعا بەرىلەتىن تۇرعىن ءۇيىنىڭ بولماۋى؛
– سوڭعى جىلى قالادا تۇراقتى ۇزدىكسىز اتاۋلى تىركەۋدىڭ بولۋى؛
– قاتىسۋشىنىڭ سوڭعى جىلىنان كەم ەمەس رەسمي جۇمىس ءوتىلى؛
– جيناقتالعان سوماسى 1،8 ملن تەڭگەدەن كەم ەمەس «وتباسى بانكتە» دەپوزيتتىڭ بولۋى؛
– رەسمي جۇمىس ءوتىلى سوڭعى 6 ايدان كەم ەمەس؛
– وتباسىنىڭ ءبىر مۇشەسىنە شاققانداعى تابىس – 6 ەڭ تومەنگى كۇنكورىس دەڭگەيىنەن (216،1 مىڭ تگ) ارتىق ەمەس.
شارتتارى:
– مولشەرلەمەسى – جىلدىق 5 %؛
– باستاپقى جارنا – 10 %-دان؛
– قارىزدىڭ ەڭ جوعارعى سوماسى – 18 ملن؛
– كرەديتتىڭ ەڭ ۇزاق مەرزىمى – 25 جىل.
باستاپقى نەمەسە قايتالاما نارىقتاعى پاتەرلەر بەرىلەدى.
قاتىسۋشىلاردى ىرىكتەۋدە نەكە جىلدارى، بالالاردىڭ بولۋى، جۇمىس ءوتىلى مەن حالىقتىڭ الەۋمەتتىك وسال توپتارىنا جاتقىزىلۋى قوسىمشا باللدار بەرەدى.
باعدارلامانىڭ باستالعانى تۋرالى zhilfond.kz جانە almaty-zhastary.kz سايتتارىندا جاريالانادى.
«7-20-25» يپوتەكاسى
مەنشىك قۇقىعىندا تۇرعىن ءۇيى جوق ازاماتتار ءۇشىن.
تالاپتار:
– جەكەمەنشىك ءۇيدىڭ بولماۋى؛
– ەڭبەك تابىسىنىڭ بولۋى جانە تولەم قابىلەتتىلىگىن راستاۋ؛
– وتباسىنىڭ ءبىر مۇشەسىنە شاققاندا ايىنا تابىس – 3،7 ەڭ تومەنگى كۇنكورىس دەڭگەيىنەن استام (133،2 مىڭ تگ). ەكى تەڭ قارىز الۋشىنى تارتۋعا بولادى. شارتتارى:
– مولشەرلەمە – 7%؛
– باستاپقى جارنا – 20%-دان؛
– مەرزىمى – 25 جىلعا دەيىن؛
– الماتىدا بەرىلەتىن ەڭ جوعارعى سوما – 25 ملن تگ. تەك مىندەتتى تۇردە پايدالانۋعا بەرىلگەن باستاپقى جىلجىمايتىن مۇلىك.
جالپى، 2022 جىلى قازاقستاندا بارلىعى 17،3 ملن شارشى مەتر تۇرعىن ءۇي (163 مىڭ پاتەر) سالۋ جوسپارلانىپ وتىر.
ونىڭ ىشىندە: 11،8 مىڭ نەسيەلىك پاتەر؛ 7،3 مىڭ جالعا بەرىلەتىن پاتەر. كوپ بالالى وتباسىلار ءۇشىن 1،3 مىڭ پاتەر، الەۋمەتتىك وسال وتباسىلار ءۇشىن 3 مىڭ پاتەر، جۇمىس ىستەيتىن جاستار ءۇشىن 3 مىڭ پاتەر بەرىلمەك.
(دەرەككوز: ماتەريال Krisha.kzء-تىڭ رەسمي ساۋالىنا ق ر يندۋستريا جانە ينفراقۇرىلىمدىق دامۋ مينيسترلىگىنىڭ جاۋابى نەگىزىندە دايىندالعان).