الماتىلىقتار حالىققا قىزمەت كورسەتۋ ورتالىقتارىنان قىزمەت الۋعا ۇلگەرمەي قالاتىندارىن ايتىپ شاعىمدانۋدا. وسىعان وراي، قىزمەت الۋشىلاردىڭ تالاپ-تىلەكتەرىن ەسكەرە وتىرىپ، الماتىدا «كەزەكشى حقو» اشىلدى، دەپ حابارلايدى اlmaty-akshamy.kz.
«ساعات 09:00-دەن 18:00-گە دەيىنگى ارالىقتا قىزمەت الىپ ۇلگەرمەگەن ازاماتتار الماتى قالاسى، بوگەنباي باتىر كوشەسى، 221 مەكەنجايىندا ورنالاسقان المالى اۋداندىق حقو-عا جۇگىنە الادى. قۇجاتتاندىرۋدان باسقا بارلىق قىزمەتتەر ساعات 20.00-گە دەيىن كورسەتىلەدى. ال، اۆتوكولىك يەلەرى ءۇشىن تۇركسىب اۋدانى، قۇلجا تاسجولى، 9 كم «كەرۋەن» تويحاناسى عيماراتىندا ورنالاسقان حالىققا قىزمەت كورسەتۋ بويىنشا مامانداندىرىلعان №5 ءبولىمى 2 ساعاتقا ۇزاعىراق جۇمىس ىستەيدى»، - دەپ حابارلادى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىندا.
سونداي-اق، فيليالدا مەملەكەتتىك قىزمەتتەردىڭ 90 پايىزىن ەلەكتروندى تۇردە الۋعا بولاتىنىن ەسكە سالدى.
ايتا كەتەيىك، «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىنىڭ فرونت-وفيستەرى دۇيسەنبى – جۇما كۇندەرى ساعات 09:00-18:00 ارالىعىندا جۇمىس ىستەيدى.