بيىل قازاق جانە بالالار ادەبيەتىنىڭ كلاسسيگى بەردىبەك سوقپاقبايەۆتىڭ تۋعانىنا - 100 جىل.
قالامگەردىڭ مەرەيتويى يۋنەسكو كولەمىندە اتالىپ وتەدى، دەپ حابارلايدى Almaty-akshamy.kz.
«مەملەكەت باسشىسى قاسىم-جومارت توقايەۆتىڭ باستاماسىمەن قالامگەردىڭ 100 جىلدىعى تويلانا باستادى. بەردىبەك سوقپاقبايەۆتىڭ تۋعان اۋىلى نارىنقولدا ەڭسەلى ەسكەرتكىشى بوي كوتەرەدى. سونداي-اق جازۋشىنىڭ ەسىمى ءبىرقاتار ساياباققا، ءبىلىم وشاعى مەن وبلىستىق كىتاپحاناعا بەلىلمەك»، — دەپ جازدى مادەنيەت جانە اقپارات مينيسترلىگىنەن.
شوقتىعى بيىك قالامگەر بالالار مەن جاسوسپىرىمدەرگە ارنالعان 20-دان استام اڭگىمە، پوۆەست، رومان ۇسىندى. «مەنىڭ اتىم — قوجا»، «بالالىق شاققا ساياحات»، «ولگەندەر قايتىپ كەلمەيدى» تۋىندىلارىندا ءوزى ءومىر سۇرگەن زاماننىڭ شىنايى كەلبەتىن سۋرەتتەدى.
ايتا كەتەيىك، ەلىمىزدىڭ رۋحانياتىنا وشپەس مۇرا قالدىرعان جازۋشىنىڭ 100 جىلدىعىنا ارنالعان العاشقى شارا الماتى وبلىسىندا باستاۋ الدى.
ەستەرىڭىزگە سالايىق، كۇنى كەشە، ءادەبيەتتەگى شىندىعى ءۇشىن كەڭەستىك ساياساتتىڭ سىنىنا ۇشىراعان قالامگەر بەردىبەك سوقپاقبايەۆتىڭ ءومىرى مەن شىعارماشىلىعى ءالى زەرتتەلمەي كەلە جاتقانىن ايتقان بولاتىنبىز.