Air Astana گەرمانياعا جاڭا اۋە باعىتىن ىسكە قوسادى. اۋە كومپانياسى الماتى — فرانكفۋرت رەيسى استانا مەن ورالدان ورىندالاتىن قازىرگى باعىتتاردى تولىقتىراادى دەپ حابارلايدى aqshamnews.kz .
العاشقى رەيس 2025 جىلدىڭ 1 ماۋسىمىندا ۇشىرىلادى. ۇشۋلار اپتاسىنا ءۇش رەت — سەيسەنبى، بەيسەنبى جانە جەكسەنبى كۇندەرى ورىندالادى. باعىتتا Airbus A321LR ۇشاقتارى قىزمەت كورسەتەدى. الماتىدان ۇشۋ ۋاقىتى 01:30، فرانكفۋرتقا كەلۋ ۋاقىتى — 06:55. كەرى باعىتتاعى رەيس فرانكفۋرتتان 08:30-دا ۇشىپ، الماتىعا 18:55-تە قونادى.
Air Astana ەكونوم-كلاستاعى ەكى جاقتى بيلەت قۇنى 288 مىڭ تەڭگەدەن باستالاتىنىن حابارلادى. جاڭا باعىت جولاۋشىلارعا ەۋروپانىڭ ءىرى حابتارىنىڭ بىرىنە ىڭعايلى جانە جىلدام جەتۋگە مۇمكىندىك بەرەدى.