الماتى مەن ءازىربايجان استاناسى باكۋ اراسىندا تىكەلەي اۋە رەيسى اشىلدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ءمالىم ەتىلگەندەي، اۆيارەيس ق ر مادەنيەت جانە سپورت مينيسترلىگىنىڭ قولداۋىمەن جانە بەلسەندى ارالاسۋىمەن ىسكە قوسىلىپ وتىر.
«ءازىربايجان اۋەجولدارى» اۆياكومپانياسىنىڭ ۇشاقتارى باكۋدەن الماتىعا اپتاسىنا ەكى رەت — سەيسەنبى جانە جۇما كۇندەرى ۇيىمداستىرىلادى.
سونداي-اق 16 ناۋرىزدان «ءازىربايجان اۋەجولدارى» اۆياكومپانياسى دۇيسەنبى جانە بەيسەنبى كۇندەرى باكۋدەن استاناعا، ال سەيسەنبى جانە جۇما كۇندەرى استانادان باكۋگە ساپارىن باستاپ كەتكەن بولاتىن.
«الماتى - ورتالىق ازيانىڭ ەڭ ءىرى، ەڭ دامىعان جانە تارتىمدى تۋريستىك باعىتتارىنىڭ ءبىرى جانە ءازىربايجان اۆياكومپانياسىنىڭ وكىلدەرى بۇل پىكىردى قولدايدى. ءبىزدىڭ مينيسترلىك باسقا ەلدەرمەن تىكەلەي اۋە رەيستەرىنىڭ سانىن ارتتىرۋ بويىنشا جۇمىستى جالعاستىرادى»، - دەپ اتاپ ءوتتى تۋريزم يندۋسترياسى كوميتەتىنىڭ ءتوراعاسى داستان رىسپەكوۆ.