اقش-تىڭ قارجى مينيسترلىگى «قازاتومونەركاسىپتىڭ» اقشاسىن بۇعاتتان شىعاردى، دەپ حابارلايدى almaty-akshamy.kz قازاقپاراتقا سىلتەمە جاساپ.
بۇل تۋرالى ۇلتتىق كومپانيانىڭ 2022 جىلعى شوعىرلاندىرىلعان قارجى ەسەبىندە ايتىلعان.
«2023 جىلدىڭ 13 قاڭتارىندا اقش قارجى مينيسترلىگىنىڭ شەتەلدەگى اكتيۆتەردى باسقارۋ باسقارماسى (OFAC) بۇعاتتالعان قاراجاتتى قايتارىپ بەرۋ تۋرالى ليسەنزيا بەردى. 2023 جىلدىڭ 30 قاڭتارىندا بانك-كوررەسپوندەنت 32،7 ملن دوللار كولەمىندە قاراجاتتى قايتاردى. ونىڭ ىشىندە ەسەپكە الىنعان پايىزدار ەسەبىنەن 0،4 ملن دوللار دا قايتارىلدى»، - دەپ جازىلعان ەسەپتە.
سونداي-اق 2022 جىلى شىعارىلعان قىسقا مەرزىمدى كوممەرسيالىق وبليگاسيالار تولەنگەنى ايتىلعان.
«بۇل تولەمنىڭ جالپى سوماسى 50،180 ميلليون دوللار بولدى. ونىڭ ىشىندە 0،18 ميلليون دوللاردىڭ كۋپونى دا بار»، - دەلىنگەن ەسەپتە.
بۇعان دەيىن كەيبىر باق-تا كومپانيانىڭ قارجىسى سانكسيالىق تىزىمدەگى كومپانيالاردا جاتقاندىقتان، بۇعاتتالعانى تۋرالى مالىمەت تاراعان.