الماتىدان الاكولگە قاتىنايتىن تالگو پويىزدارىنا بيلەت ساتىلا باستادى

الماتى-دوستىق باعىتىنداعى «تالگو» پويىزى 16 ماۋسىم مەن 31 تامىز ارالىعىندا قاتىنايتىن بولدى.

بۇعان دەيىن «اتامەكەن» ۇلتتىق كاسىپكەرلەر پالاتاسى ۋادە ەتىلگەن بيلەتتەردىڭ ساتىلماي جاتقانىن ايتىپ، ماسەلە كوتەرگەن بولاتىن، دەپ حابارلايدى Almaty-akshamky.kz قازاقپاراتقا سىلتەمە جاساپ. 

«جولاۋشىلار تاسىمالى» اق باسپا ءسوز قىزمەتىنىڭ حابارلاۋىنشا، بيلەت ساتىلىمى 8 ماۋسىمدا باستالعان. جالپى، الاكولگە اتالعان ەكى «تالگو» پويىزىنان بولەك 11 قالىپتى پويىز قاتىنايدى. بۇعان دەيىن قتج الاكولگە قاتىنايتىن «تالگو» پويىزىنا بيلەت نەگە ساتىلماي جاتقانىن تۇسىندىرگەن ەدى.

«بۇل باعىتتا ادەتتەگى پويىزدار كەدەرگىسىز ءجۇرىپ جاتىر جانە بيلەت بار. ال «تالگو» پويىزىنا ازىرگە بيلەت ساتىپ جاتپاعانىمىز راس. بۇيىرتسا، وسى اپتانىڭ سوڭىندا اشىلادى دەپ وتىرمىز. سول جوسپار بويىنشا، 15-16 ماۋسىمنان باستاپ «تالگو» قاتىناي باستايدى. بۇل تۋرالى بۇعان دەيىن دە حابارلاعانبىز. ياعني، جوسپار بويىنشا، «تالگو» پويىزىنا بيلەتتەر اپتانىڭ سوڭىنا دەيىن ساتىلىمعا شىعادى»، - دەدى كومپانيانىڭ باسپا ءسوز حاتشىسى ءمادي مۇحامەدقالي.