ق ر تجم «ننسسني» ج ش س سەيسميكالىق ستانسيالار جەلىسى 28 ناۋرىزدا الماتى قالاسىنا 323 شاقىرىم جەردە جەر سىلكىنىسىن تىركەدى.
جەر سىلكىنىسىن سەيسميكالىق ستانسالار جەلىسى 28 ناۋرىزدا استانا ۋاقىتىمەن 03:42–دە تىركەدى، دەپ حابارلايدى aqshamnews.kz.
جەر سىلكىنىسىنىڭ وشاعى قازاقستان اۋماعىندا، الماتى قالاسىنان وڭتۇستىك-باتىسقا قاراي 323 كم جەردە ورنالاسقان.
سەزىلۋى تۋرالى اقپارات:
ەسەپتەلگەن قارقىندىلىق (بالمەن) بولدى:
مەركى اۋىلى — 5.0 بالل
قۇلان اۋىلى — 4.0 بالل
شۋ قالاسى — 2.0 بالل
تولە بي اۋىلى — 2.0 بالل
سارىكەمەر اۋىلى — 2.0 بالل
تاراز قالاسى — 2.0 بالل
قورداي اۋىلى — 2.0 بالل
اسا اۋىلى — 2.0 بالل
مويىنقۇم اۋىلى — 2.0 بالل
زارداپ شەككەندەر مەن قيراۋلار تۋرالى اقپارات تۇسكەن جوق.
ق ر توتەنشە جاعدايلار مينيسترلىگىنىڭ كوماندالىق ورتالىعىندا سەيسميكالىق جاعدايدى باقىلاۋ بويىنشا جەدەل شتاب قۇرىلدى.
ق ر توتەنشە جاعدايلار ۆيسە-مينيسترى باتىربەك ابدىشيەۆتىڭ توراعالىعىمەن اۋماقتىق بولىمشەلەرمەن جۇمىس كەڭەسى جانە بەينەكونفەرەنسيا ءوتتى.
زارداپ شەككەندەر تۋرالى اقپارات تۇسكەن جوق، تىرشىلىكتى قامتاماسىز ەتۋ مەكەمەلەرى شتاتتىق رەجيمدە جۇمىس ىستەپ جاتىر.
— قازاقستاننىڭ توتەنشە جاعدايلار مينيسترلىگى جاعدايدى باقىلاۋدى جالعاستىرىپ جاتىر. جاعداي تۇراقتى. قۇتقارۋ بولىمشەلەرى قاجەت بولعان جاعدايدا ارەكەت ەتۋگە دايىن. جامبىل وبلىسىندا حيميالىق ءقاۋىپتى 5 نىسان ورنالاسقان. ماماندار ولاردى تەكسەرۋ ءوزارا ارەكەتتەستك ۇيىمداستىردى — ءقاۋىپ جوق، — دەپ تولىقتىردى تجم.