ساليدات قايىربەكوۆا اتىنداعى ۇلتتىق عىلىمي دەنساۋلىق ساقتاۋدى دامىتۋ ورتالىعى 2024 جىلدىڭ قورىتىندىسى بويىنشا تمككك جانە ءمامس شەڭبەرىندە مەديسينالىق كومەك كورسەتەتىن جەكە مەديسينالىق مەكەمەلەردى قوسا العاندا، مەديسينالىق ۇيىمدار مەن رەسپۋبليكالىق عىلىمي ورتالىقتاردىڭ رەيتينگىن جاسادى.
جالپى رەيتينگتىك باعالاۋعا مەنشىك نىسانىنا جانە بەيىندىك باعىتىنا قاراماستان، توعىز نەگىزگى سانات بويىنشا بولىنگەن ق ر 20 ءوڭىرى بولىنىسىندە 772 مەديسينالىق ۇيىم جاتقىزىلدى، دەپ حابارلايدى aqshamnews.kz cالا مينيسترلىگىنىڭ مالىمەتەرىنە سۇيەنە وتىرىپ.
بۇل عىلىمي-زەرتتەۋ ينستيتۋتتارى/عىلىمي ورتالىقتار، ەرەسەكتەرگە ارنالعان كوپ بەيىندى ستاسيونارلار (وبلىستىق / قالالىق)، بالالارعا ارنالعان كوپ بەيىندى ستاسيونارلار (وبلىستىق/قالالىق)، بوساندىرۋ ۇيىمدارى (پەرزەنتحانالار/پەريناتالدىق ورتالىقتار)، مساك كورسەتەتىن مەديسينالىق ۇيىمدار، ونكولوگيالىق ورتالىقتار/ديسپانسەرلەر، تۋبەركۋلەزگە قارسى ديسپانسەرلەر/فتيزيوپۋلمونولوگيا ورتالىقتارى، پسيحيكالىق دەنساۋلىق ورتالىقتارى جانە اۋداندىق اۋرۋحانالار (ورتالىق/اۋدانارالىق).
ادىستەمەگە سايكەس رەيتينگتى ەسەپتەۋ كەزىندە 14 كلينيكالىق ينديكاتور، سونداي-اق اككرەديتتەۋ تۋرالى اقپارات جانە نەگىزدەلگەن شاعىمداردىڭ سانى تۋرالى مالىمەتتەر ەسكەرىلدى.
رەسپۋبليكانىڭ 17 عىلىمي-زەرتتەۋ ينستيتۋتى مەن عىلىمي ورتالىعىنىڭ ىشىندە «اكۋشەرلىك، گينەكولوگيا جانە پەريناتولوگيا عىلىمي ورتالىعى» اق (الماتى ق.)، «ا.ن.سىزعانوۆ اتىنداعى ۇلتتىق حيرۋرگيا عىلىمي ورتالىعى» اق (الماتى ق.) جانە «ۇلتتىق عىلىمي مەديسينالىق ورتالىق» اق (استانا ق.) رەيتينگىلەنگەندەردىڭ اراسىندا كوشباسشى بولىپ تانىلدى.
15 ونكولوگيا ورتالىعىنىڭ اراسىندا كلينيكالىق ينديكاتورلار مەن مەنەدجمەنت كورسەتكىشتەرى بويىنشا الماتى قالاسىنىڭ دسب «الماتى ونكولوگيا ورتالىعى» شجق كمك، «قازاق ونكولوگيا جانە راديولوگيا عىلىمي-زەرتتەۋ ينستيتۋتى» اق (الماتى ق.)، شقو دسب شىعىس قازاقستان وبلىستىق كوپبەيىندى «ونكولوگيا جانە حيرۋرگيا ورتالىعى» شجق كمك ۇزدىك اتاندى.
ەرەسەكتەرگە ارنالعان 84 كوپبەيىندى ستاسيوناردىڭ ىشىندە مەديسينالىق كومەك كورسەتۋ دەڭگەيى بويىنشا الدىڭعى قاتارلى دسب «قاراعاندى قالاسىنىڭ №1 كوپبەيىندى اۋرۋحاناسى» كمك، «قونايەۆ قالاسىنىڭ كوپبەيىندى قالالىق اۋرۋحاناسى» شجق مكك ، استانا قالاسى اكىمدىگىنىڭ »№2 كوپبەيىندى قالالىق اۋرۋحاناسى» شجق مكك بولدى.
24 كوپبەيىندى بالالار ستاسيونارىنىڭ ىشىندە الماتى قالاسىنىڭ دسب «№2 بالالار قالالىق كلينيكالىق اۋرۋحاناسى» شجق كمك، قىزىلوردا وبلىسىنىڭ دسب «كوپبەيىندى وبلىستىق بالالار اۋرۋحاناسى» شجق كمك، دسب «قاراعاندى قالاسىنىڭ كوپبەيىندى بالالار اۋرۋحاناسى» شجق كمك كوشباسشى بولدى.
178 اۋداندىق اۋرۋحانانىڭ قىزمەتىن باعالاۋ قورىتىندىسى بويىنشا او دسب «اباي اۋداندىق اۋرۋحاناسى» شجق كمك، اقتوبە وبلىسى دسب شجق مم «ايتەكە بي اا» مكك، اقتوبە وبلىسى دسب شجق مم «حرومتاۋ اا» مكك ۇزدىك اتاندى.
مساك-تىڭ 385 ۇيىمىنىڭ ىشىندە مەنەدجمەنت جانە كلينيكالىق كورسەتكىشتەر بويىنشا ەڭ جوعارى ناتيجەگە قول جەتكىزگەن ەلىمىزدىڭ 5 ۇزدىك قالالىق ەمحاناسى انىقتالدى.
بۇلار استاناداعى ق ر دسم «رەسپۋبليكالىق مەديسينالىق-سانيتارلىق العاشقى كومەك ورتالىعى»، الماتى قالاسىنىڭ دسب «№17 قالالىق ەمحاناسى»، بقو اكىمدىگى دسب «№4 قالالىق ەمحاناسى»، «Sofie Medgroup» كوپبەيىندى كلينيكاسى» ج ش س (اقتاۋ ق.)، پاۆلودار قالاسى اكىمدىگىنىڭ «№ 3 ەمحاناسى».
2023 جىلدان باستاپ قازاقستان رەسپۋبليكاسىنىڭ مەديسينالىق ۇيىمدارى، عزي جانە ۇو قىزمەتىن رەيتينگتىك باعالاۋ ءوڭىر مەن رەسپۋبليكا دەڭگەيىندە مەديسينالىق كومەك كورسەتۋ بەيىندەرى بويىنشا سارالاۋدى جۇرگىزۋگە مۇمكىندىك بەرەتىن وزەكتى ادىستەمەگە سايكەس جۇرگىزىلەتىنىن ايتا كەتكەن ءجون.
مەديسينالىق ۇيىمداردىڭ تولىق رەيتينگىمەن ۇعدسدو سايتىندا سىلتەمە بويىنشا تانىسۋعا بولادى: https://nrchd.kz/ru/2017-03-12-10-50-44/press-reliz/2926-nntsrz-podvel-itogi-rejtingovoj-otsenki-meditsinskikh-organizatsij-respubliki-kazakhstan-za-2024-god