الماتى وبلىسىنداعى ساتى اۋىلىندا اسىرەدىنشىل كوزقاراستاعى ازامات زيراتتاردى قيراتىپ كەتكەن، دەپ حابارلايدى aqshamnews.kz.
كولساي كولدەرىنىڭ تۇبىندە ورنالاسقان بۇل ەلدىمەكەندەگى زيراتتا بەلگىسىز ەر ادام بىرنەشە قۇلىپتاستى قيراتقان. قابىرلەردىڭ قورلانعانى تۋرالى ۆيدەو الەۋمەتتىك جەلىلەردە تاراپ، جۇرتتىڭ نارازىلىعىن تۋدىردى. كادرلاردا بەيىت باسىندا شاشىلىپ جاتقان قۇلىپتاستار انىق كورىنەدى.
اۋىل تۇرعىندارى بۇل ارەكەتتى يسلام دىنىنە دە، ادامگەرشىلىككە دە جات دەپ سانايدى. ءقازىر جاعدايدى قۇقىق قورعاۋ ورگاندارى مەن جەرگىلىكتى اكىمدىك باقىلاۋعا الىپ، تەكسەرىس جۇمىستارىن باستاعان. ءتيىستى ورگاندار اتالعان ازاماتتىڭ جەكە باسى مەن ونىڭ قانداي ءدىني باعىتتى ۇستاناتىنىن انىقتاپ جاتىر.