جەتىسۋ وبلىسى توتەنشە جاعدايلار دەپارتامەنتىنىڭ مالىمەتىنشە، سەيسميكالىق ستانسالار جەلىسى ساعات 22:08-دە جەر سىلكىنىسىن تىركەگەن.
«جەر سىلكىنىسىنىڭ وشاعى الماتى قالاسىنان سولتۇستىك-شىعىسقا قاراي 230 شاقىرىم جەردە جەتىسۋ وڭىرىندە تەكەلى قالاسىنان 20 شاقىرىم جەردەگى تاۋلى ايماقتا ورنالاسقان. جەر سىلكىنىسىنىڭ ەنەرگەتيكالىق كلاسى – 9،7. ماگنيتۋداسى – MPV 4.6. تەرەڭدىگى – 15 كم. قابىلداۋ تۋرالى اقپارات (MSK-64 شكالاسى بويىنشا): تەكەلى قالاسىندا 3 بالل»، - دەپ حابارلادى وبلىستىق تجد باسپا ءسوز قىزمەتى.
وبلىستىق توتەنشە جاعدايلار دەپارتامەنتى جەرگىلىكتى اتقارۋشى ورگانداردى، پوليسيا دەپارتامەنتىن، پروكۋراتۋرانى جانە باسقا دا ۇيىمداردى حاباردار ەتتى. ايماقتارداعى جاعداي ناقتىلانىپ جاتىر. قيراۋ مەن قۇرباندار تۋرالى اقپارات تۇسكەن جوق.