الماتىداعى ءۇش شوب نىسانىنا كۇردەلى جوندەۋ قاجەت

اعىمداعى جوندەۋگە كەلەتىن بولساق، 203 كاسىپكەرلىك نىسانى تەكسەرىلدى.

بۇل تۋرالى الماتى قالاسىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسىندا قالا اكىمىنىڭ ورىنباسارى مۇحيت ازىربايەۆ مالىمدەدى، دەپ حابارلايدى Almaty-akshamy.kz

م. ازىربايەۆتىڭ ايتۋىنشا، بۇگىنگى تاڭدا الماتىدا قالپىنا كەلتىرۋگە جاتاتىن 243 نىسان انىقتالدى. ونىڭ ىشىندە: 27 – مەملەكەتتىك مەكەمەلەردىڭ نىساندارى، 216 – شوب نىساندارى.

216 شوب نىسانىنىڭ 206-سى تەكسەرىلدى. ءۇش نىسانعا كۇردەلى جوندەۋ قاجەت: جەتىسۋ اۋدانىنداعى «مەرەي» ءسۇ قويما عيماراتى، بوستاندىق اۋدانىنداعى «مير 24» ترك عيماراتى، اۋەزوۆ اۋدانىنداعى das Auto Service عيماراتى. قمج قۇنى انىقتالادى.

203 نىسان اعىمداعى جوندەۋدى قاجەت ەتەدى، ونىڭ 8ء-ى مەنشىك يەلەرىنىڭ ءوز قاراجاتى ەسەبىنەن قالپىنا كەلتىرىلدى.

127 نىسان بويىنشا الدىن الا شىعىن سوماسى 56 ملن تەڭگەنى قۇرايدى.

«اككرەديتتەلگەن ۇيىمدار تەحنيكالىق تەكسەرۋ، اقاۋلى اكتىلەر مەن سمەتالىق ەسەپتەردى دايىنداۋ جۇمىستارىن جالعاستىرۋدا. 10 نىسان بويىنشا تەكسەرۋ جۇرگىزۋ جانە رۇقسات الۋ ءۇشىن مەنشىك يەلەرىن ىزدەۋ جۇرگىزىلۋدە»، - دەدى اكىمنىڭ ورىنباسارى.

م. ازىربايەۆ ەنەرگيا تيىمدىلىگىن باسقارۋ بويىنشا 8 نىساندا (مەدەۋ اۋدانىنداعى يەسىز جەلىلەردى رەكونسترۋكسيالاۋ، «تۇزدىباستاۋ»، «كاسكاد»، «الماگۇل» قوسالقى ستانسيالارىنىڭ قۇرىلىسى، يۋرك قازاندىعىن رەكونسترۋكسيالاۋ، «قارعالى» سۋ قابىلداعىشىنىڭ قۇرىلىسى، «پرەمەرا» قازاندىعىن كەڭەيتۋ، "اقجار" شاعىناۋدانىنداعى جەلىلەردى سالۋ) قمج قايتا جاڭعىرتىلعانىن ايتتى. 19 نىسان قىسقى كەزەڭگە توقتاتىلدى.

سونداي-اق، جەكە قۇرىلىس سالۋشىلاردىڭ بارلىق 143 وبەكتىسىندە قۇرىلىس-مونتاجداۋ جۇمىستارى قايتا جانداندى.