الماتىدا ازىق-تۇلىك تاپشىلىعى جوق

ازىق-تۇلىك قورى جەتكىلىكتى دەڭگەيدە

الماتى قالاسىنىڭ كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين الماتىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسى بارىسىندا مەگاپوليستى ازىق-تۇلىكپەن قامتاماسىز ەتۋ تۋرالى باياندادى، دەپ حابارلايدى Almaty-akshamy.kz

«بۇگىندە الماتىنىڭ بارلىق ازىق-تۇلىك كاسىپورىندارىنىڭ قىزمەتى قالپىنا كەلتىرىلدى. ونىمدەردى جەتكىزۋ بارلىق ءىرى جانە ورتا سۋپەرماركەتتەرگە، «ءۇي جانىنداعى» دۇكەندەرگە، سونداي-اق بازارلارعا شتاتتىق رەجيمدە جۇرگىزىلۋدە. قالادا 144 ءىرى جانە ورتا سۋپەرماركەت، 3،5 مىڭنان استام «ءۇي جانىنداعى» دۇكەن، 26 ازىق-تۇلىك بازارى جۇمىس ىستەيدى. جالپى، قالادا قالالىق جانە وڭىرلىك وندىرۋشىلەردەن ازىق-تۇلىك ونىمدەرىن جەتكىزۋ جانە ساتۋ جولعا قويىلعان، ءبىرىنشى كەزەكتە قاجەتتى ءونىم تاپشىلىعى بايقالمايدى»، - دەپ حابارلادى سپيكەر.

الەۋمەتتىك نان قاجەتتىلىگىن قالانىڭ نان ءپىسىرۋ كاسىپورىندارى – «اقساي نان» نتك» ج ش س، «باشيروۆ» جك، «رۋزي نان» ج ش س، «الماتىنان حبك» ج ش س جانە «دارينان» ج ش س تولىق قامتاماسىز ەتەدى.

ءسۇت ونىمدەرىنىڭ جالپى قالالىق قاجەتتىلىگىنىڭ 20،5%-ىن «اگروپرودۋكت» كومپانيالار توبى مەن «ماسلودەل» ج ش س جابادى. قالعان 79،5%-ىن الماتى وبلىسىنىڭ وندىرۋشىلەرى جەتكىزەدى.

قالانىڭ كۇنباعىس مايىنا دەگەن قاجەتتىلىگىنىڭ جارتىسىن جەرگىلىكتى ماي زاۋىتتارى – «ەۆرازيان فۋدس كورپورەيشن» اق، «ماسلو-دەل» ج ش س جانە «ەفكو الماتى» ج ش س قامتاماسىز ەتەدى. سونداي-اق، شقو، سونداي-اق رەسەي وندىرۋشىلەرىنىڭ ونىمدەرى بار (5%).

كوكونىستەر الماتىعا پاۆلودار، الماتى، جامبىل جانە قاراعاندى وبلىستارىنان جەتكىزىلەدى.

قالانى ەت ونىمدەرىمەن جانە جۇمىرتقالارمەن الماتى، تۇركىستان، جامبىل وبلىستارىنىڭ كاسىپورىندارى قامتاماسىز ەتەدى.

باكالەيا ونىمدەرىن (ۇن، جارما، قانت، تۇز جانە ت.ب.) نەگىزگى جەتكىزۋ قوستاناي، الماتى، جامبىل، اقمولا، پاۆلودار، قىزىلوردا جانە شىعىس قازاقستان وبلىستارىنان جۇرگىزىلەدى.