بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى كوممۋنالدىق ينفراقۇرىلىمدى دامىتۋ باسقارماسىنىڭ باسشىسى دانيار قىرىقبايەۆ مالىمدەدى.
سپيكەردىڭ ايتۋىنشا، ۆەدومستۆو تۇرمىستىق جانە كوممۋنالدىق-تۇرمىستىق تۇتىنۋشىلاردىڭ گاز تۇتىنۋ جۇيەلەرى مەن گاز جابدىقتارىن، سونداي-اق الەۋمەتتىك ينفراقۇرىلىم وبەكتىلەرىندەگى تۇرمىستىق باللونداردى ءقاۋىپسىز پايدالانۋ تالاپتارىنىڭ ساقتالۋىنا باقىلاۋدى جۇزەگە اسىرادى، دەپ حابارلايدى Almaty-akshamy.kz
«الماتى قالاسى توتەنشە جاعدايلار دەپارتامەنتى جانە پوليسيا دەپارتامەنتىنىڭ جەرگىلىكتى پوليسيا قىزمەتى باسقارماسىمەن بىرلەسىپ، تۇرمىستىق گاز تۇتىنۋ جۇيەلەرى مەن گاز جابدىقتارىن ءقاۋىپسىز پايدالانۋ شارالارى بويىنشا ۇگىت-ناسيحات ايلىعىن وتكىزدى، ايلىق اياسىندا كوميسسيا ساپارلار ۇيىمداستىردى»، - دەدى د. قىرىقبايەۆ.
تەكسەرۋ ناتيجەسىندە 53-تەن استام ساۋدا جانە 50 ساۋدا جانە ويىن-ساۋىق بازارلارى («الاتاۋ-1»، «كەرەمەت»، «سالەم»، «تاۋ-سامال»، «بارلىق»، «التاي»، «تۇركسىب»، «جەتىسۋ»)، شولوحوۆتاعى «ساپار»، «اينابۇلاق» اۋماقتارى، كوك بازار، «ۆەرنىي» جانە ت.ب. قامتىلدى)، سونداي-اق 400-گە جۋىق قوعامدىق تاماقتاندىرۋ نىساندارىندا، ونىڭ ىشىندە 278 نىساندا گاز باللوندارىن تالاپتاردى بۇزا وتىرىپ پايدالانۋ فاكتىلەرى انىقتالدى.
اتالعان تۇتىنۋشىلارمەن گاز تۇتىنۋ جۇيەلەرى مەن گاز جابدىقتارىن ءقاۋىپسىز پايدالانۋ بويىنشا تالاپتاردى ساقتاۋ قاجەتتىلىگىنە، سونداي-اق قازاقستان رەسپۋبليكاسىنىڭ قولدانىستاعى زاڭناماسىنا سايكەس كوزدەلگەن جاۋاپكەرشىلىككە قاتىستى ءتۇسىندىرۋ جۇمىستارى جۇرگىزىلدى.
سونىمەن قاتار، مامىر ايىندا سوسو، دۇكەندەر، مەتروپوليتەن جانە اۋەجاي وكىلدەرىمەن «ساۋدا-ويىن-ساۋىق ورتالىقتارىندا ليفتىلەردى، تراۆولاتورلار مەن ەسكالاتورلاردى پايدالانۋ قاۋىپسىزدىگى» تاقىرىبىندا كەڭەس وتكىزىلدى.