وتكەن دەمالىس كۇندەرى الماتىنىڭ مەدەۋ اۋدانىندا ورنالاسقان بارلاردىڭ بىرىندە پوليسيانىڭ ارنايى جاساعى مەن ەققكب-نىڭ جەدەل قىزمەتكەرلەرى ارنايى ءىس-شارا جۇرگىزدى.
ونى قالالىق پروكۋراتۋرا “ەسىرتكى بيزنەسىمەن كۇرەس” جوباسى اياسىندا ۇيلەستىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«تۇنگى ساعات ەكىدە تۇنگى كلۋبتا 19 جاستاعى ت. ەسىمدى ازامات ۇستالدى، ونىڭ شالبارىنىڭ وڭ قالتاسىنان كوك يزولەنتاعا ورالعان، سينتەتيكالىق زات سالىنعان ءۇش بۋما تابىلدى. جۇمىس نۇسقالارىنىڭ بىرىنە سايكەس، بۇل - مەفەدرون پسيحواكتيۆتى زاتى. ءشوپتىڭ ناقتى تيەسىلىگىن انىقتاۋ ءۇشىن سوت-حيميالىق ساراپتاما تاعايىندالدى. ۇستالعان ازامات ق ر قپك-نىڭ 128-بابىنا سايكەس ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ ق ر قك-نىڭ 297-بابى 1-بولىگى بويىنشا جۇرگىزىلىپ جاتىر»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ. ق ر قپك-نىڭ 201-بابىنا سايكەس تەرگەۋ مۇددەسىن كوزدەيتىن وزگە دە مالىمەتتەر جاريا ەتۋگە جاتپايدى.
ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسى جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.