الماتىدا ورتاشا جوندەۋ جۇرگىزىلەتىن كوشەلەردىڭ ءتىزىمى جاريالاندى

اعىمداعى جىلى ورتاشا جوندەۋ اياسىندا ۇزىندىعى 200 كم-دەن اساتىن 230 كوشەنى قامتۋ جوسپارلانۋدا.

بۇل ماقساتقا قالالىق بيۋدجەتتەن 20 ملرد تەڭگە ءبولىندى. ورتاشا جوندەۋ جولدارداعى زاقىمداردى تۇزەتۋ، توزعان جوعارعى قاباتتاردى قالپىنا كەلتىرۋ بويىنشا كەشەندى جۇمىستاردى قامتيدى، دەپ حابارلايدى Almaty-akshamy.kz.

جۇمىستاردى مەردىگەرلىك ۇيىمداردى انىقتاۋ بويىنشا كونكۋرستىق راسىمدەر اياقتالعاننان كەيىن باستاۋ جوسپارلانۋدا. ماگيسترالدىق كوشەلەردى ورتاشا جوندەۋدى 27 تامىزعا دەيىن اياقتاۋ جوسپارلانۋدا، ال اۋداندىق ماڭىزى بار كوشەلەر 30 قازانعا دەيىن جوندەلەدى. جۇمىس باستالار الدىندا ءار كوشە بويىنشا جۇمىستاردى جۇرگىزۋدىڭ جوسپارلانعان مەرزىمدەرى بار تىزىمدەر جاريالاناتىن بولادى.

ەسكە سالساق، ۇساق زاقىمداردىڭ الدىن الۋدى جانە شۇعىل تۇزەتۋدى كوزدەيتىن اعىمداعى جوندەۋ جۇمىستارى اياسىندا الماتىدا شۇڭقىرلاردى بىتەۋ، ليۋكتەردى كوتەرۋ، جارىقتاردى جابۋ جانە باسقا دا جۇمىس تۇرلەرى جۇرگىزىلەتىن بولادى. وسى ماقساتقا قالالىق بيۋدجەتتەن 2،8 ملرد تەڭگە ءبولىندى. اعىمداعى جوندەۋمەن 350 مىڭ شارشى مەتردەن استام اۋماقتى قامتۋ جوسپارلانۋدا، سونداي-اق 30 كم تروتۋار مەن 40 ايالداما كەشەنى جوندەلەدى.

جوندەلەتىن كوشەلەر تىزىمىمەن تومەندەگى سىلتەمە ارقىلى تانىسا الاسىزدار.