بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە «ازاماتتارعا ارنالعان ۇكىمەت» مەملەكەتتىك كورپوراسياسىنىڭ الماتى قالاسى بويىنشا فيليالىنىڭ وكىلدەرى ايتتى.
كورسەتىلەتىن مەملەكەتتىك قىزمەتتەردىڭ جالپى سانىنىڭ 940-ى سمارتفون ارقىلى قولجەتىمدى بولسا، 28ء-ى پرواكتيۆتى تۇردە ، ال 38ء-ى «بەينەحقو» فورماتىندا كورسەتىلەدى، دەپ حابارلايدى Almaty-akshamy.kz.
اتاپ وتسەك، كورسەتىلەتىن مەملەكەتتىك قىزمەتتەر ءتىزىمى 712 (ونىڭ ىشىندە 1315). بۇعان قوسا، 678ء-ى وزىنە-وزى قىزمەت كورسەتۋ سەكتورىن (ونىڭ ىشىندە 1235) قىزمەت حقكو وپەراتورلارى ارقىلى كورسەتىلەدى). 172ء-ى حقكو وپەراتورلارى ارقىلى، (ونىڭ ىشىندە 344)
«ەلەكتروندىق نىساندا الىناتىن مەملەكەتتىك قىزمەتتەردىڭ ۇلەسىن ارتتىرۋ جانە «سيفرلىق قازاقستان» مەملەكەتتىك باعدارلاماسىنىڭ نىسانالى ينديكاتورىنا قولجەتكىزۋ ماقساتىندا الەۋمەتتىك سالادا مەملەكەتتىك قىزمەتتەردى پرواكتيۆتى ەلەكتروندى كورسەتۋگە كوشۋ باسىم باعىتتاردىڭ ءبىرى بولىپ تابىلادى ءارى قاۋىپسىزدىكتى قامتاماسىز ەتەدى»، - دەپ اتاپ ءوتتى ىستەردىڭ ەلەكتروندىق ماكەتتەرىن باقىلاۋ مەن زاڭدى جانە جەكە تۇلعالارمەن جۇمىس باسقارما باسشىسى نايلا مۇحامەتقالييەۆا.
وسىلايشا، كەلەسىدەي مەملەكەتتىك قىزمەتتەر پرواكتيۆتى فورماتتا كورسەتىلەدى:
مۇگەدەكتىك بويىنشا مەملەكەتتىك جاردەماقى:
مۇگەدەكتىك بويىنشا جاردەماقى؛
مۇگەدەك بالا كۇتىمى بويىنشا جاردەماقى؛
اسىراۋشىسىنان ايىرىلعان جاعدايدا مەملەكەتتىك جاردەماقىلار مەن الەۋمەتتىك تولەمدەردى تاعايىنداۋ؛
كوپ بالالى انالارعا مەملەكەتتىك جاردەماقى تاعايىنداۋ؛
جۇمىسىنان ايرىلۋ بويىنشا جاردەماقى جانە ت.ب.
«ازاماتتارعا ارنالعان ۇكىمەت» مەكەمەسىنىڭ الماتى قالاسى بويىنشا وكىلدەرىنىڭ ايتۋىنشا، بۇل ساناتقا زەينەتاقى تولەۋ قىزمەتى كىرمەيدى. قىزمەت قازاقستاننىڭ بارلىق اۋماعىندا جۇمىس تاجىريبەسىن سيفرلاندىرۋ جانە ەڭبەك شارتتارىن تىركەۋ قاجەتتىلىگىنە بايلانىستى پرواكتيۆتى فورماتتا قولجەتىمسىز.
جاسى بويىنشا زەينەتاقى، بازالىق زەينەتاقى تولەمى، سونداي-اق بجزق تولەمىن تولەۋ قۇرامداس قىزمەت كورسەتۋ ءپرينسيپى بويىنشا جۇزەگە اسىرىلادى، ياعني ءبىر وتىنىشتە الۋشى ءبىر مەزگىلدە ءۇش تولەمدى ۇسىنادى.
سونىمەن قاتار، حقو فيليالدارى ۇيگە بارۋ، جەكە مەنەدجەردىڭ كومەگى جانە QR كودى ارقىلى قىزمەتتەردى ۇسىنادى.
«ۇيگە بارۋ بويىنشا مەملەكەتتىك قىزمەتتى 1 جانە 2 توپتاعى مۇگەدەكتەر، سوعىس ارداگەرلەرى مەن زەينەتكەرلەر الا الادى. بۇل تۇلعالار قاجەت كەزدە 1414 نومىرىنە قوڭىراۋ شالۋ ارقىلى ءوتىنىش بەرە الادى. ءوتىنىش تۇرعىن تۇراتىن اۋداندىق بولىمشەگە جىبەرىلىپ، ءبىر اپتا ىشىندە تۇرعىندارعا ماماندار كەلىپ قىزمەت كورسەتەدى»، - دەپ ءتۇسىندىردى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى بويىنشا فيليالىنىڭ باسپا ءسوز قىزمەتىنىڭ باسشىسى جاڭىل اپەتوۆا.
ماسەلەن، جىل باسىنان بەرى فيليال ەرەكشە قاجەتتىلىكتەرى بار ازاماتتاردىڭ ۇيلەرىنە 2800 رەت شىعىپ، 2785 مەملەكەتتىك قىزمەت كورسەتكەن.