الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى №72 مەكەمەدە سالەمدەمەلەردى قابىلداۋ جانە تەكسەرۋ بولىمىندە تىيىم سالىنعان زاتتى جاسىرىن الىپ ءوتۋ ارەكەتى اشكەرەلەندى.
تەكسەرۋ كەزىندە ايەلدىڭ اكەلگەن ەتىگىنىڭ ۇلتاراعىنان تىگىلىپ جاسىرىلعان، ەسىرتكىگە ۇقساس ەكى ورام ۇنتاق تابىلىپ، تاركىلەندى، - دەپ حابارلايدى Aqshamnews.kz
بەلگىلى بولعانداي، اتالعان ايەل بۇل زاتتى ق ر قىلمىستىق كودەكسىنىڭ 188-بابى 2ء-بولىمىنىڭ 1 جانە 2-تارماقتارى بويىنشا، ياعني الدىن الا ءسوز بايلاسقان ادامدار توبىنىڭ ءىرى كولەمدە مال ۇرلىعى ءۇشىن ۇستالعان تانىسىنا وتكىزبەك بولعان.
وزبەكستاندا دۇنيەگە كەلگەن جانە تەرگەۋدە وتىرعان ول الماتى وبلىسىنىڭ جامبىل اۋداندىق سوتىنىڭ سانكسياسىمەن تۇركىستان قالاسىندا قولعا تۇسكەن. وقيعا ءساتى مەكەمەنىڭ بەينەتىركەۋ جۇيەسىنە جازىلىپ، دەرەۋ تۇركسىب اۋداندىق پوليسيا ءبولىمىنىڭ جەدەل-تەرگەۋ توبى شاقىرىلدى. قازىرگى ۋاقىتتا اتالعان دەرەك بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە.