قالا قۇرىلىسىن باقىلاۋ باسقارماسىنىڭ مالىمەتىنشە، جۇرگىزىلگەن مونيتورينگ ناتيجەسىندە ينتەرنەت جەلىلەرىندە شاشكين، 42/1 كوشەسىندە ورنالاسقان Maison تۇك-تە پاتەرلەردى ساتۋ تۋرالى حابارلاندىرۋلار جاريالانعانى انىقتالدى، دەپ حابارلايدى اlmaty-akshamy.kz
الايدا، بۇل جەر تەلىمىنىڭ نىسانالى ماقساتى جەر استى اۆتوتۇراعى بار اكىمشىلىك عيمارات سالۋ جانە پايدالانۋ بولىپ تابىلادى، ال ساۋلەت-جوسپارلاۋ تاپسىرماسى مەديسينالىق پۋنكت سالۋعا الىنعان.
باسقارما مەنشىك يەسىنە قاتىستى ق ر اقبتك-نىڭ 316 باپتىڭ 1-بولىگى بويىنشا انىقتالعان بۇزۋشىلىقتاردى جويۋ بويىنشا ۇيعارىم شىعاردى، سونداي-اق قۇرىلىس-مونتاجداۋ جۇمىستارىن ماجبۇرلەپ توقتاتۋ تۋرالى سوتقا تالاپ ارىز بەرىلدى.
سونىمەن بىرگە، باسقارما ەكونوميكالىق تەرگەۋ دەپارتامەنتى مەن مەملەكەتتىك كىرىستەر دەپارتامەنتىنە شارا قولدانۋ ءۇشىن حات جولدادى.
ەسكە سالايىق، جىلجىمايتىن مۇلىكتى ساتىپ الماس بۇرىن قالا قۇرىلىسىن باقىلاۋ باسقارماسىنىڭ +7 (727) 229-81-36 سەنىم تەلەفونىنا قوڭىراۋ شالۋ ارقىلى سالىنىپ جاتقان تۇرعىن ءۇي كەشەندەرىندە قۇجاتتاردىڭ تولىق پاكەتىنىڭ بار-جوعىن تەكسەرۋ ۇسىنىلادى.