2020 جىلى 23 سالالىق جوبا جۇزەگە اسىرىلدى، ونىڭ 6-ۋى جاساندى ينتەللەكت الگوريتمدەرىن قولدانادى.
الماتى اكىمى باقىتجان ساعىنتايەۆ «الماتى» تەلەارناسىنداعى كەزەكتى تىكەلەي ەفير بارىسىندا قالا شارۋاشىلىعىن سيفرلاندىرۋ جونىندەگى جوبالار تۋرالى ايتتى، دەپ حابارلايدى Almaty-akshamy.kz.
«قالا سەرۆيس رەتىندە: 24/7» تۇجىرىمداماسىن ىسكە اسىرۋ اياسىندا ءبىلىم بەرۋ، دەنساۋلىق ساقتاۋ، مادەنيەت جانە كولىك ينفراقۇرىلىمى سالالارىن سيفرلاندىرۋ جونىندەگى جوبالار digital-almaty.kz پورتالىندا جاريالانعان. Iت-كومپانيالارىنىڭ وكىلدەرى 49 باعىتتىڭ ءبىرىن تاڭداپ، وزدەرىنىڭ شەشىمدەرىن ۇسىنا الادى.
سەرۆيستىك ادىستەردىڭ ارقاسىندا بەلگىلى ءبىر باعىتتا سالالىق قۇزىرەتى بار كاسىپورىندار پايدا بولادى ءارى بيزنەسى ءوز ونىمدەرىنىڭ ساپاسىن جاقسارتۋ ءۇشىن قارجى بولۋگە دايىن بولادى. ءوز كەزەگىندە، ازاماتتاردىڭ نەمەسە مەملەكەتتىك ورگانداردىڭ كەرى بايلانىسى نەگىزىندە قالا داميدى نەمەسە ساپانى باعالاۋ جۇيەسى نەگىزىندە ناقتىلى قىزمەتتى قالىپتاستىرادى.
2020 جىلى 23 سالالىق جوبا جۇزەگە اسىرىلدى، ونىڭ 6-ۋى جاساندى ينتەللەكت الگوريتمدەرىن قولدانادى. مىسالى، قوعامدىق قاۋىپسىزدىك سالاسىندا «سەرگەك» جوبالارى، 1000 كامەراعا ارنالعان بەينەمونيتورينگ جۇيەسى، تج بولجاۋ جۇيەسى، ءورتتى انىقتاۋعا ارنالعان جىلۋ بەينەلەۋ كامەرالارى، قاۋىپسىزدىك جونىندەگى سيتۋاسيالىق ورتالىق، باعدارشامدى باسقارۋدىڭ اۆتوماتتاندىرىلعان جۇيەسى جانە بكدق.
تۇرعىن ۇي-كوممۋنالدىق شارۋاشىلىق سالاسىندا — ينجەنەرلىك جەلىلەردىڭ مونيتورينگ جۇيەسى، كورسەتكىشتەردى قاشىقتىقتان جىبەرەتىن ەسەپتەگىشتەرى بار قۇرىلعىلار، پاتەر يەلەرى مەن قىزمەت كورسەتەتىن ۇيىمدار اراسىنداعى ءوزارا ءىس-قيمىل جۇيەسى، كوشە جارىقتارىن باسقارۋ جۇيەسى. قالانى باسقارۋ بويىنشا – ساتىپ الۋعا جانە قالانى جوسپارلاۋعا قولجەتىمدىلىك، بيۋدجەتتىك باعدارلامالاردىڭ ورىندالۋىن مونيتورينگىلەۋ، قالانىڭ سيتۋاسيالىق ورتالىعى، مەملەكەتتىك قىزمەتتەردى اۆتوماتتاندىرۋ.
ءبىلىم بەرۋ سالاسىندا — سپورت مەكتەپتەرىن باسقارۋدىڭ اۆتوماتتاندىرىلعان جۇيەسى، مەملەكەتتىك ءبىلىم بەرۋ مەكەمەلەرىندەگى قاۋىپسىزدىكتىڭ كەشەندى جۇيەسى، قالانىڭ بارلىق مەكتەپتەرىندە بۋحگالتەريانى ورتالىقتاندىرۋ جونىندەگى جوبا.