بۇل قىلمىستى جاساۋدا ەكى جاس جىگىت كۇدىكتى دەپ تانىلدى.
ۇرلىق ساۋدا ويىن-ساۋىق ورتالىقتارىنىڭ ءبىرىنىڭ ءبىرىنشى قاباتىندا ورىن الدى، دەپ حابارلايدى Almaty-akshamy.kz.
«الدىن الا بولجام بويىنشا، 21 جاستاعى ج. ەسىمدى ازامات پەن 19 جاستاعى ن. ەسىمدى ازامات كولىك تۇراعىندا ەلەكتروندى تەمەكى ساتاتىن ورىندى كورگەن. كۇدىكتىلەر شكافتىڭ ەسىگىن قىسىپ اشىپ، قوراپتى الىپ، وقيعا ورنىنان بوي تاسالاعان، سول ارقىلى تاۋار يەسىنە 75 مىڭ تەڭگە كولەمىندە ماتەريالدىق شىعىن كەلتىرگەن. جەدەل ىزدەستىرۋ ءىس-شارالارىنىڭ ناتيجەسىندە كۇدىكتىلەر ۇستالدى. بەينەباقىلاۋ جۇيەلەرى ماڭىزدى ءرول اتقاردى. اتالعان دەرەك بويىنشا ق ر قك-نىڭ 188-بابى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ۇستالعانداردىڭ قالادا بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالىپ جاتىر»، – دەيدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسيلوۆ.
ق ر قپك-نىڭ 201-بابىنا سايكەس، تەرگەۋ مۇددەسىن كوزدەيتىن وزگە دە مالىمەتتەر جاريا ەتۋگە جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.